ઓટો સેક્ટર / ઓક્ટોબર મહિનામાં આ 10 કારોની ધૂમ ખરીદી, એકલા આ કંપનીના 7 મોડલ, અલ્ટો નંબર-1

• ઓક્ટોબરમાં ભારતમાં 1.40 લાખથી વધુ 
• ટોપ 10 કારમાં માત્ર મારૂતિ સુઝુકીની  7 કાર
• જેમાં ટાટા મોટર્સનાં 2 મોડલ સમાવિષ્ટ

તહેવારની સિઝનમાં ઓટો સેક્ટરમાં સૌથી વધુ ખરીદી જોવા મળી હતી જેમાં ઓક્ટોબર મહિનામાં ભારતમાં સૌથી વધુ વેંચાયેલી 10 કારોની લિસ્ટમાં 7 કાર તો મારૂતિ સુઝુકીની જ છે. ટોપ 10 કારમાં ટાટા મોટર્સનાં 2 મોડલ સમાવિષ્ટ છે અને હ્યુંડાઇની એક કાર આવેલી છે. 

મારૂતિ સુઝુકીની સૌથી વધુ કાર
ઓક્ટોબર મહિનામાં ભારતમાં વેંચાયેલ કારમાં મારૂતિ સુઝુકીનાં 7 મોડેલ ટોપ 10માં આવે છે જેમાંથી અલ્ટો સૌથી વધુ વેંચાયેલી છે. પાછલા વર્ષે ઓક્ટોબર માસની તુલનામાં આ વર્ષે લગભગ 29%ની વૃદ્ધિની સાથે દેશભરમાં 1.40 લાખથી વધુ યુનિટ્સનું વેંચાણ થયું છે. 

મારૂતિ ઓલ્ટો
ન્યૂ જનરેશનની ઓલ્ટો ભારતીય કાર ખરીદદારોની વચ્ચે સૌથી વધુ હીટ રહી છે. આટલા વર્ષો પછી પણ તે હંમેશા સૌથી વધુ વેંચાયેલી કાર મોડેલોમાંથી એક રહી છે. ગયાં મહિનાનાં ચાર્ટમાં આ કાર સૌથી ઉપર આવે છે. ઓક્ટોબર મહિનામાં મારૂતિ સુઝુકીની અલ્ટોનાં 21,260 યૂનિટ વેંચાયા છે.

મારૂતિ વેગેનાર
આ લિસ્ટમાં બીજા નંબરે આવે છે મારૂતિ વેગેનાર કાર. પાછલાં વર્ષની સરખામણીમાં આ કારનાં વેંચાણમાં મહત્વપૂર્ણ વૃદ્ધિ જોવા મળી છે. ઓક્ટોબર મહિનામાં 17,945 યૂનિટ્સનું વેંચાણ આ કારનું છે. તહેવારની સિઝનમાં મારૂતિની કારનું વેંચાણ 45% વૃદ્ધિ જોવા મળી છે.

મારૂતિ સ્વિફ્ટ
આ કારનું ઓક્ટોબર મહિનામાં 17,231 યુનિટ્સનું વેંચાણ થયું છે. આ કાર મારૂતિની ટોપ સેલિંગ કારમાંથી એક છે, આશરે 88 % જેટલી વૃદ્ધિ જોવા મળી છે. 

મારૂતિ બલેનો
આ વર્ષની શરૂઆતમાં લોન્ચ થયેલ મારૂતિ બલેનો ભારતમાં ખરીદાયેલી ટોપ 5 કારમાં સમાવિષ્ટ છે. ઓક્ટોબર મહિનામાં બલેનોનાં 17,149 યુનિટ્સ ડિલિવર થયાં છે.

ટાટા નેક્સોન
ટાટા મોટર્સ પોતાની બેસ્ટ સેલર નેક્સોન એસયૂવીના કારણે ટોપ લિસ્ટમાં સમાવિષ્ટ છે. ટાટા મોટર્સની સબ કોમ્પેક્ટ SUVની 13,767 યૂનિટ્સ વેંચ્યા છે. પાછલા વર્ષની સરખામણીમાં 35% વધુ વેંચાણ થયેલ છે. 

મારૂતિ ડિઝાયર
Dzire સબ કોમ્પેક્ટ સેડાન 2016માં લોન્ચ થયાં બાદ મારૂતિનાં કુલ વેંચાણમાં મોટો ફાળો આપે છે. ઓક્ટોબર માહમાં પણ આ કારનાં આશરે 12,321 જેટલા મોડેલ વેંચાયા છે. 

હ્યુંડાઇ ક્રેટા
ક્રેટાનાં ગયાં મહિને 11,880 યૂનિટ્સ વેંચ્યાં હતાં. 2020માં ઓટો એક્સપો દરમિયાન જનરેશન મોડેલમાં રજૂ કર્યા બાદ આ કારનું નવું રૂપ જોવા મળી શકે છે. 

ટાટા પંચ
ટાટાનાં ગયાં મહિને પંચ એસયૂવીનાં 10,982 યૂનિટ વેંચાયા કે જે સિટ્રોએન C3ને ટક્કર આપે છે. ગયાં વર્ષ ઓક્ટોબરની તુલનામાં આ કારનાં વેંચાણમાં 30% જેટલો વધારો જોવા મળે છે. 

મારૂતિ અર્ટિગા
મારૂતિ સુઝુકી અર્ટિગાનું નામ પણ ટોપ 10ની લિસ્ટમાં આવી ગયું છે. ઓક્ટોબરમાં ભારતમાં 10,494 લોકોએ આ કાર ખરીદી છે. 

મારૂતિ બ્રેઝા
લોન્ચ પછી કેટલાક મહિનાઓ સુધી આ કારનાં વેંચાણમાં ઘણો ઘટાડો જોવા મળ્યો હતો પરંતુ ગયાં મહિને આ કારનું વેંચાણ 15,445 જેટલા યૂનિટ્સનું થયું છે.