તમારા કામનું / 30 નવેમ્બર સુધી આ કામ નહીં કર્યું હોય તો અટકી જશે PFના પૈસા, જાણી લો શું છે પ્રોસેસ

• UANએ આધાર કાર્ડ સાથે કરો લિંક 
• 30 નવેમ્બર સુધીનો જ છે સમય 
• નહીં તો અટકાઈ જશે તમારા પૈસા

યુનિવર્સલ એકાઉન્ટ નંબર (UAN)ને આધાર કાર્ડ સાથે 30 નવેમ્બર સુધી લિંક કરવું જરૂરી છે. આમ ન કરવા પર તમને પીએફ ખાતા સાથે સંબંધિત ઘણી મુશ્કેલીઓનો સામનો કરવો પડી શકે છે. માટે જો તમે અત્યાર સુધી પોતાના યુએએન નંબરને આધાર કાર્ડ સાથે લિંક નથી કર્યો તો જલ્દી જ આ કામ કરી લો. 

અટકી શકે છે પીએફના પૈસા 
30 નવેમ્બર સુધી ઈપીએફઓ અને આધાર નંબરને લિંક ન કરવા પર તમારા ખાતામાં કંપનીની તરફથી આવનાર અંશદાન રોકી શકાય છે. તે ઉપરાંત તેનાથી તમને ઈપીએફ એકાઉન્ટમાંથી પૈસા ઉપાડવામાં પણ મુશ્કેલીઓનો સામનો કરવો પડી શકે છે. આ ઉપરાંત, આધાર અને યુએએન લિંક ન કરવા પર તમે ઈપીએફઓની સેવાનો ઉપયોગ પણ નહીં કરી શકો. 

આ રીતે કરો UANને આધાર સાથે લિંક 

• EPFO પોર્ટલ https://unifiedportal-mem.epfindia.gov.in/memberinterface/ પર જાઓ. 
• લોગ-ઈન કરવા માટે પોતાનો યુએએન નંબર અને પાસવર્ડ નાખો. 
• હવે Manage સેક્શનમાં કેવાયસી ઓપ્શન પર ક્લિક કરો. 
• ત્યાર બાદ ઈપીએફ ખાતાની સાથે જોડાયેલા દસ્તાવેજ જોવા મળશે. 
• અહીં આધાર વિકલ્પને પસંદ કરો અને આધાર નંબર નાખો. 
• નામ ભરતી વખતે આધાર કાર્ડ પર રહેલું નામ જ ભરો. 
• દરેક જાણકારી ભર્યા બાદ સેવ વિકલ્પ પર ક્લિક કરો. 
• આમ કરવા પર તમારા દ્વારા ભરેલી જાણકારી સર્વરમાં સેવ થઈ જશે. 
• ત્યાર બાદ તમારો આધાર યુઆઈડીએઆઈ (UIDAI)ના ડેટાથી સત્યાપિત કરવામાં આવશે. 
• તમારા કેવાયસી દસ્તાવેજ યોગ્ય હોવા પર આધાર તમારા પીએફ ખાતા સાથે લિંક થઈ જશે. 
• ત્યાર બાદ ચેક કરવા પર તમને આધારની સામે વેરિફાઈ લખેલું જોવા મળશે. 
• મતલબ કે તમારૂ આધાર અને યુએએન નંબર સફળતાથી લિંક થઈ ગયું છે.