અનોખી પહેલ / અંબાજીમાં લગ્ન કંકોત્રી અર્પણ કરનાર માઈ ભક્તોને અપાશે આ ભેટ, આજથી વિતરણ શરૂ

• અંબાજી મંદિર ટ્રસ્ટ્ર દ્વારા કરાયો મહત્વનો નિર્ણય
• કંકોત્રી ધરાવવા આવતા ભક્તોને અપાશે કીટ
• આજથી આ કીટનું અંબાજી મંદિરમાંથી વિતરણ શરૂ

યાત્રાધામ અંબાજી એ ગુજરાત નું મોખરાનું યાત્રાધામ છે અને અહીંયા વર્ષે દાહડે કરોડો ની સંખ્યામાં માઇભક્તો માં અંબાના દર્શને આવતા હોય છે ત્યારે અંબાજી મંદિર તરફ થી એક નવી પેહલ શરૂ કરવામાં આવી છે જે અંતર્ગત અંબાજી મંદિર માં જે પણ માઇભક્ત કંકોત્રી ધરાવશે તેને માં અંબાના આશીર્વાદ રૂપે કીટ આપવામાં આવશે અને આ કીટ માં માતાજી ને ધરાવેલ ચૂંદડી, કુમ કુમ, પ્રસાદ, માતાજી નો દોરો સહીત નહીં સામગ્રી આપવામાં આવશે મહત્વ ની વાત છે કે આજ થી આ કીટ નું અંબાજી મંદિર માં થી વિતરણ શરૂ કરી દેવામાં આવ્યું છે પરંતુ આગામી સમયમાં લોકો ના પ્રતિસાદ અનુસાર ફેરફાર પણ કરવામાં આવશે.

અંબાજી મંદિર તરફથી મને કીટ આપવામાં આવીઃ શ્રદ્ધાળુ
આ બાબતે શ્રદ્ધાળુ ભગાભાઈ પટેલે જણાવ્યું હતું કે,  હું અંબાજીમાં કાયમી રહું છે. તેમજ મારી દિકરીનાં લગ્ન મે મહિનામાં રાખેલ છે. ત્યારે આજે અંબાજી ટ્રસ્ટ્ર તરફથી કંકોત્રી નોંધવાની જાહેરાત થઈ હતી. તેથી હું પહેલા અંબાજી ટ્રસ્ટ્રમાં કંકોત્રી નોંધાવવા  આવેલ છું.  ત્યારે મે નોંધણી કરાવતા મંદિર તરફથી મને કીટ આપવામાં આવી હતી.