7 તારીખથી ભડકેલી હિંસામાં ઇઝરાયલે રોકેટો દ્વારા પેલેસ્ટાઇન પર હવાઈ હુમલો શરૂ કર્યો હતો.
ઈઝરાયલ અને પેલેસ્ટાઇનનાં સંગઠનો વચ્ચે થયેલ હિંસા
ઈસ્લામિક સંગઠન "ઓર્ગેનાઇઝેશન ઓફ ઈસ્લામિક કોર્પોરેશન"નાં બધા જ સભ્યો એકજૂટ થયા
UNમાં પણ થઈ આકરી ટીકા
ઈઝરાયલ અને પેલેસ્ટાઇનનાં સંગઠનો વચ્ચે થયેલ હિંસા
ઈઝરાયલ અને પેલેસ્ટાઇનનાં સંગઠનો વચ્ચે થયેલ હિંસા ઘણી હદે વધી ગઈ છે. ગયા શુક્રવારની રાતે યરૂશલમની મસ્જિદમાં પેલેસ્ટાઇનનાં અને ઇઝરાયલનાં સુરક્ષા દળો વચ્ચે હિંસા ભડકી ઉઠી હતી અને હવે આ હિંસાને લઈ ઈઝરાયલ અને હમાસ વચ્ચે રોકેટ દ્વારા હુમલાઓ શરૂ થઈ ગયા છે. જેમાં બંને પક્ષોના ઘણા બધા લોકો મૃત્યુ પામ્યા છે.
ઈસ્લામિક સંગઠન "ઓર્ગેનાઇઝેશન ઓફ ઈસ્લામિક કોર્પોરેશન"નાં બધા જ સભ્યો એકજૂટ થયા
પેલેસ્ટાઇનનાં સમર્થનમાં બધા જ દેશો એકજુટ થઈ ગયા છે. 57 દેશોનાં ઈસ્લામિક સંગઠન "ઓર્ગેનાઇઝેશન ઓફ ઈસ્લામિક કોર્પોરેશન" (OIC) નાં બધા જ સભ્યો હવે ઇઝરાયલની આકરી ટીકા કરી રહ્યા છે. પાકિસ્તાને પોતાના પ્રસ્તાવમાં કહ્યું છે કે ઇઝરાયલ વિરુધ્ધ સખત કાર્યવાહી અને કડક વલણ અપનાવવામાં આવે. બધા જ સભ્યોએ આ પ્રસ્તાવનું સમર્થન કર્યું છે.
UNમાં પણ થઈ આકરી ટીકા
એક રિપોર્ટ અનુસાર, આ ઘટના પર ન્યૂયોર્કમાં થયેલ બેઠકમાં તુર્કી અને સાઉદી અરબનાં રાજદૂતોનાં પ્રસ્તાવને પણ મંજૂરી આપી છે, જેથી મહાસભાનાં સત્ર સમયે આંતરરાષ્ટ્રીય કક્ષાએ સમર્થન મળે. UNમાં આ મુદ્દો લઈ જવા માટે જ સંગઠન એકજુટ થયું છે. સંયુક્ત રાષ્ટ્રનાં મહાસચિવે મંગળવારે જણાવ્યું કે ફિલિસ્તીનમાં થેયલ ગંભીર હિંસાને લઈ અમે ઘણા ચિંતિત છીએ. આ હિંસા બાદ UNએ ઇઝરાયલનાં સુરક્ષાબળો અને પ્રદર્શનકારીઓને શાંતિ જાળવવા માટે અપીલ કરી હતી.સંગઠનમાં એ પણ ચર્ચા થઈ કે ઈઝરાયલનો આ હુમલો માનવ અધિકારોનાં કાનૂન વિરુધ્ધ છે. આ હુમલામાં 900 થી વધુ લોકો ઘાયલ થયા હતા અને 24 લોકોનાં મૃત્યુ થયા છે.