હેલ્થ / દોરડાં કૂદવાનાં આ ફાયદા વિષે તમે નહી જાણતા હોવ, આ કસરતના અઢળક ફાયદા 

• દોરડાં કૂદવાના ફાયદા 
• શરીર પરની ચરબી દૂર કરે 
• શ્વાસની તકલીફ ન થાય

દોરડાં કૂદવાથી બાળકોની હાઇટ વધે છે અને શરીર પણ ફિટ રહે છે. જાડાપણું દૂર કરવા અને શરીરને ફિટ રાખવા માટે આ બેસ્ટ એક્સર્સાઇઝ છે. આજકાલના બિઝી શેડ્યૂલમાં જો તમારી પાસે બહાર ચાલવા જવા કે જિમમાં જવાનો સમય ન હોય તો દોરડાં કૂદીને પણ તમે ફિટ રહી શકો છો. દિવસમાં ફક્ત અડધો કલાક પણ દોરડાં કૂદવાં આરોગ્ય માટે લાભકારી હોય છે. તેનાથી શું ફાયદા થાય છે તે જાણો

- દોરડાં કૂદવાથી મહેનત વગર શરીર પરની ફાલતું ચરબી દૂર કરી શકાય છે.
- મહિલાઓ પણ દોરડાં કૂદીને ઘરમાં રહીને જ પોતાનું શરીર ફિટ રાખી શકે છે.
- દોરડાં કૂદવાથી શરીરની ચરબી ખૂબ જલ્દી ઓછી થાય છે. દોરડાં કૂદવા તે  જોગિંગ કરવા બરાબર હોય છે. તેનાથી શરીરની કેલરી જલ્દી ઓછી થાય છે.
- તેનાથી પેટ અને સાથળની ચરબી જલ્દી હટે છે. રોજ માત્ર ૩૦ મિનિટ દોરડાં કૂદવાથી મહિનામાં જ વજનમાં ખાસ્સો ફરક પડે છે.
- તેનાથી લોહીનો પ્રવાહ પણ યોગ્ય રીતે આખા શરીરમાં પહોંચે છે.
- દોરડાં કૂદવાથી શરીરનો સ્ટેમિના વધી જાય છે અને વ્યક્તિનાં કામ કરવાની શક્તિ વધે છે. કેટલાક લોકોને શ્વાસની તકલીફ થાય છે. દોરડાં કૂદવાથી આ સમસ્યાથી પણ છુટકારો મળે છે.
- અનેક લોકોમાં ૩૫ વર્ષની ઉંમર પછી હાડકાં કમજોર થવાના લીધે સાંધાના દુખાવાની ફરિયાદ ઊભી થાય છે. દોરડાં કૂદવાથી હાડકાં મજબૂત થાય છે અને ગરદનના દુખાવામાં રાહત મળે છે.
- દોરડાં કૂદવાથી ખૂબ પરસેવો નીકળે છે અને શરીરમાંથી ઝેરિલાં તત્વો બહાર નીકળી જાય છે. તેથી સ્કીન પણ ગ્લો કરે છે.