ટેલિવૂડ / આ તારીખથી શરૂ થઈ રહ્યો છે કપિલ શર્મા શો, વર્ષો બાદ આ કોમેડિયન જોડી સાથે મળીને કરશે મોટો ધમાકો

• પોપ્યુલર શો કપિલ શર્માની લાંબા સમયમાં ધમાકેદાર વાપસી
• વર્ષો બાદ આ કોમેડી જોડી જોવા મળશે
• ઓગસ્ટમાં વાપસી કરશે શો

દર્શકોની આતુરતાનો અંત આવવાનો છે. ફેબ્રુઆરીમાં અચાનક કપિલ શર્મા શો બંધ થતાં ફેન્સ ખૂબ જ નિરાશ થયા હતા. ત્યારે હવે શો ટૂંક સમયમાં ઓન એર થવા જઈ રહ્યું છે. કપિલ શર્માએ હાલમાં જ ઈન્સ્ટાગ્રામ પર પોતાના શોની ટીમની 3 તસવીરો શેર કરી છે. તેણે ફોટો કેપ્શનમાં લખ્યું છે- તમામ જૂના ચહેરા સાથે નવી શરૂઆત. 

 

 

 

 

View this post on Instagram

 

 

 

 

 

 

 

 

 

 

 

A post shared by Kapil Sharma (@kapilsharma)

કપિલ શર્માની સાથે શોના જૂના કલાકારો ભારતી સિંહ, કિકુ શારદા, સુમોના ચક્રવર્તી, ચંદન પ્રભાકર અને કૃષ્ણ અભિષેક પણ પહેલાંની જેમ આ શોમાં રહેશે. આ શોને નવા સ્વરૂપમાં રજૂ કરવામાં આવે તેવી સંભાવના છે. મીડિયા રિપોર્ટ્સ અનુસાર, 'ધ કપિલ શર્મા શો' 21 ઓગસ્ટથી ટીવી પર શરૂ થવા જઈ રહ્યો છે.

કોમેડિયન કપિલ શર્મા શોના ચાહકો દેશના દરેક ખૂણામાં ફેલાયેલા છે. કપિલ શર્માએ પણ પોતાની મહેનતથી ચાહકોના દિલમાં પોતાનું ખાસ સ્થાન બનાવ્યું છે. તેનો શો દર વીકએન્ડમાં લોકોને હસાવવાનું કામ કરતું રહ્યું છે. કપિલ શર્માએ આ સીઝનમાં તેની ફીમાં ઘણો વધારો કર્યો છે.

મીડિયા રિપોર્ટ્સ અનુસાર, કપિલ શર્મા ગત સીઝન સુધી શોના હોસ્ટિંગ માટે એપિસોડ દીઠ 30 લાખ રૂપિયા લેતો હતો. હવે તેણે એક એપિસોડ માટેની તેની ફી 50 લાખ કરી દીધી છે. બીજા શબ્દોમાં કહીએ તો પહેલાં કપિલ એક અઠવાડિયા માટે 60 લાખ રૂપિયા લેતો હતો, હવે તે એક અઠવાડિયા માટે 1 કરોડ રૂપિયા લેશે. આ શો શનિવાર અને રવિવારે અઠવાડિયાના 2 દિવસ દર્શકોને હસાવતો રહ્યો છે.