Gujarat Congress News: ટુંક સમયમાં કોંગ્રેસ હાઇકમાન્ડ આ પ્રમુખ અને પ્રભારીના નામોની જાહેરાત કરી શકે, ગુજરાત કોંગ્રેસના નેતાઓ દિલ્હી દરબારમાં, આજે હાઇકમાન્ડ સાથે મહત્વની બેઠક
ગુજરાત કોંગ્રેસને મળશે નવા પ્રમુખ અને પ્રભારી
જૂનના અંત સુધી નવા અધ્યક્ષ અને પ્રભારી મળશે
ગુજરાત કોંગ્રેસના નેતાઓ દિલ્હી દરબારમાં
પહેલા પ્રદેશ પ્રભારીની નિમણૂક અને બાદમાં પ્રમુખની નિમણૂક કરાશે
ગુજરાતના કોંગી નેતાઓની આજે હાઇકમાન્ડ સાથે મહત્વની બેઠક
ગુજરાત કોંગ્રેસને લઈ ફરી એકવાર મોટા સમાચાર સામે આવ્યા છે. વાત જાણે એમ છે કે, છેલ્લા કેટલાય દિવસોથી ચાલતી ચર્ચા વચ્ચે હવે સમાચાર સામે આવ્યા છે કે, ટુંક સમયમાં જ ગુજરાત કોંગ્રેસને નવા પ્રદેશ પ્રમુખ અને પ્રભારી મળશે. વિગતો મુજબ કોંગ્રેસ પ્રદેશ પ્રમુખ પદ માટે ગુજરાતનો જાણીતો પાટીદાર ચેહરો સૌથી આગળ છે. આ સાથે અન્ય ત્રણ નામો પણ ચર્ચામાં છે. જોકે હવે ટુંક સમયમાં કોંગ્રેસ હાઇકમાન્ડ આ પ્રમુખ અને પ્રભારીના નામનોની જાહેરાત કરી શકે છે.
ગુજરાત કોંગ્રેસના પ્રદેશ પ્રમુખ જગદીશ ઠાકોરનું હવે ગમે તે ઘડીએ પત્તું કપાઈ શકે છે. તાજેતરમાં જ કોંગ્રેસની સત્ય શોધક કમિટીના રિપોર્ટમાં ગુજરાત કોંગ્રેસના કેટલાક નેતાઓએ ટિકિટનો વેપલો કર્યો હોવાનું સામે આવતા રાજકીય ગરમાવો આવી ગયો હતો. જે બાદમાં દિલ્હી દરબારમાં અનેક નેતાઓને બોલાવાયા છે. આ તરફ હવે આ મહિનામાં ગમે તે ઘડીએ કોંગ્રેસના નવા પ્રમુખ અને પ્રભારીની જાહેરાત થઈ શકે છે.
કોંગ્રેસને મળશે નવા પ્રમુખ અને પ્રભારી
ગુજરાત કોંગ્રેસને જૂન મહિનાના અંત સુધી નવા અધ્યક્ષ અને પ્રભારી મળશે. મહત્વનું છે કે, હાલ ગુજરાત કોંગ્રેસના નેતાઓ દિલ્હી દરબારમાં છે. વિગતો મુજબ પહેલા પ્રદેશ પ્રભારીની નિમણૂક થશે. જે બાદમાં ગુજરાત પ્રદેશ પ્રમુખની નિમણૂક કરાશે. નોંધનીય છે કે, ગુજરાતના કોંગી નેતાઓની આજે હાઇકમાન્ડ સાથે મહત્વની બેઠક છે. આ બેઠકને લઈ જગદીશ ઠાકોર, અમિત ચાવડા, અર્જુન મોઢવાડીયા, શક્તિસિંહ ગોહિલ, ભરતસિંહ સોલંકી હાલ દિલ્હીમાં હાજર છે.
વિધાનસભાની ચૂંટણીમાં કારમી હાર બાદ હાઇકમાન્ડ એક્શનમાં
ગુજરાત વિધાનસભાની ચુંટણીમાં કારમી હાર અને સત્ય શોધક કમિટીના રિપોર્ટમાં ગુજરાત કોંગ્રેસના કેટલાક નેતાઓએ ટિકિટનો વેપલો કર્યો હોવાનું સામે આવતા હાઇકમાન્ડ એક્શનમાં છે. જેને લઈ હવે હવે ગમે તે ઘડીએ કોંગ્રેસના પ્રદેશ પ્રમુખ અને પ્રભારી બદલાશે. મહત્વનું છે કે, અમિત ચાવડાની નેતા વિપક્ષ તરીકે નિમણુંક બાદ અધ્યક્ષ બદલવાનું નક્કી હતું. આ તરફ હવે કોંગ્રેસ પાટીદાર ચેહરાને પ્રદેશ અધ્યક્ષ બનાવે તેવી શક્યતા છે. જેને લઈ ગુજરાત કોંગ્રેસના પ્રદેશ અધ્યક્ષની રેસમાં પરેશ ધાનાણીનું નામ મોખરે છે. આ સાથે સિનિયરને પ્રમુખ પદની જવાબદારી સોંપાય તો મોઢવાડીયા અથવા શક્તિસિંહ પ્રમુખ બની શકે છે.
આ લોકોના નામની હાઈકમાન્ડમાં ચર્ચા
ગુજરાત કોંગ્રેસના પ્રમુખ તરીકે નવા ચેહરામાં 3 નામની હાઈકમાન્ડમાં ચર્ચા થઈ છે. જેમાં દીપક બાબરીયા, લાલજી દેસાઈ અને ડો. જીતુ પટેલના નામની ચર્ચા છે. દીપક બાબરીયા પણ સંગઠનના અનુભવી અને હાઇકમાન્ડના નજીકના વ્યક્તિ છે. મહત્વનું છે કે, બાબરીયાને તાજેતરમાં જ કર્ણાટકમાં બહુમતી મળ્યા બાદ મહત્વની જવાબદારી મળી હતી. કર્ણાટકમાં મુખ્યમંત્રીનું કોકડુ ઉકેલવા કોંગ્રેસે ગુજરાતના દિપક બાબરીયાને જવાબદારી સોંપાઈ હતી.
પરેશ ધાનાણીને અધ્યક્ષ બનાવવા માટેના કારણો
પાટીદાર યુવા ચેહરો
સૌરાષ્ટ્ર અને સુરત પર પ્રભુત્વ
સૌરાષ્ટ્ર અને સુરત પર પ્રભુત્વને કારણે AAP પાર્ટી સામે મજબૂત ચેહરો
ખોડલધામ સાથે સારા સબંધો
આમ આદમી પાર્ટીમાં પાટીદાર યુથ ગત ચૂંટણીમાં મોટી સંખ્યામાં જોડાયું
પાટીદાર વોટ બેન્ક અને aap માં ગયેલ વોટબેન્ક પરત લાવવાનો પણ ધાનાણી સારો વિકલ્પ
અર્જુન મોઢવાડિયાના પ્રમુખ બનવાના કારણો
કોંગ્રેસના સિનિયર લીડર
ભૂતકાળમાં પ્રદેશ અધ્યક્ષ અને નેતા વિપક્ષ રહી ચુક્યા છે
સંગઠનનો બહોળો અનુભવ
વિધાનસભાની ચૂંટણીમાં પોતાની સીટ બચાવવા સફળ રહ્યા
કોંગ્રેસના સૌરાષ્ટ્રના ઓબીસી ચેહરાની છબી
શક્તિસિંહ ગોહિલના પ્રમુખ બનવાના કારણો
કોંગ્રેસના રાજ્યસભાના સંસદ
કોંગ્રેસ હાઇકમાન્ડ સાથે નિકટના સબંધ
સંગઠન ઉપર સારી પકડ
કોંગ્રેસના ધારદાર વક્તા
કોંગ્રેસની સરકારમાં માજી મંત્રી અને નેતા વિપક્ષ પણ રહી ચુક્યા છે
2 વાર પ્રધાન, 2 રાજ્યોના પ્રભારી અને સફળ રાજકીય રણનીતિકાર છે શક્તિસિંહ ગોહિલ, 34 વર્ષથી રાજકારણમાં
દિપક બાબરીયાના પ્રમુખ બનાવના કારણો
સંગઠનનો મોટો અનુભવ
મધ્યપદેશમાં પ્રભારી તરીકેની નિભાવી ચુક્યા છે જવાબદારી
દીપક બાબરીયા ગાંધી પરિવારના ખાસ નજીકના નેતા ગણાય છે