હાથરસ કાંડ / દુષ્કર્મ પીડિતાનું રાત્રિમાં જ અગ્નિસંસ્કાર કરી નાંખવાના મામલે સુપ્રીમમાં યુપી સરકારે આપ્યો આ જવાબ 

• યુપી સરકારે સુપ્રીમ કોર્ટમાં કર્યું છે સોગંદનામું 
• સોગંદનામામાં દાવો, પરિવારની લીધી હતી મંજૂરી 
• સોગંદનામાંમાં સરકારે બાબરી કેસનો આપ્યો હવાલો 

ઉત્તર પ્રદેશ સરકારે હાથરસ ગેંગરેપ કેસમાં સુપ્રીમ કોર્ટ માં સોગંદનામું દાખલ કર્યું છે. આ સોગંદનામામાં યુપી સરકારે વિપક્ષ પર કોમી રમખાણો ફેલાવવાનો આરોપ લગાવ્યો હતો. યુપી સરકાર ના સોગંદનામામાં મોટો દાવો કર્યો હતો કે મૃતક યુવતીના પરિવારની મંજૂરી બાદ અને હિંસા ટાળવા માટે પીડિતા નું મધ્યરાત્રિએ દાહ સંસ્કાર કરવામાં આવ્યું હતું. 

અયોધ્યા બાબરી કેસ નો આપ્યો હવાલો 

સોગંદનામામાં, યુપી સરકાર એ અયોધ્યા-બાબરી કેસ ના કારણે જિલ્લાઓને હાઈએલર્ટ પર રાખવાનો અને કોરોના વાયરસ ને કારણે ટોળાને એકઠા થવા ન દેવાનો પણ ઉલ્લેખ કર્યો છે. યુપી સરકાર નું કહેવું છે કે અયોધ્યા-બાબરી કેસ માં ચુકાદાની સંવેદનશીલતા અને કોરોના મહામારીમાં પરિવારની મંજૂરીને ધ્યાનમાં રાખીને પીડિતા નું અંતિમ સંસ્કાર રાત્રે કરવામાં આવ્યું હતું. 

આ સોગંદનામા માં યુપી સરકાર નું કહેવું છે કે 14 સપ્ટેમ્બરે પોલીસની માહિતી મળતાં પોલીસે ગુનો નોંધી તાત્કાલિક પગલા લીધા છે. સરકારે કહ્યું કે રાજકીય પક્ષોના કેટલાક વિભાગો, સોશિયલ મીડિયા, પ્રિન્ટ અને ઇલેક્ટ્રોનિક મીડિયાના કેટલાક વિભાગોએ આ મુદ્દાની મદદથી જાતિ અને કોમી રમખાણોને ઉશ્કેરવાના ઇરાદાપૂર્વક અને હેતુપૂર્વક પ્રયાસો કર્યા છે.

આ મામલે યુપી સરકાર એ CBI ને તપાસ સોંપવાની માંગણી કરી હતી 

યુપી સરકાર એ સુપ્રીમ કોર્ટ ને કહ્યું હતું કે CBI ને હાથરસ માં યુવતી પર કથિત દુષ્કર્મ અને હુમલો કરવાની તપાસ કરવાના દિશા નિર્દેશો આપવા જોઈએ. યુપી સરકાર એ કહ્યું કે, જોકે તે આ મામલે યોગ્ય તપાસ કરી શકે છે, પરંતુ અમુક વસ્તુ આ યોગ્ય તપાસને મિસગાઈડ કરવાના પ્રયાસો કરી રહી છે. 

સવારે હિંસા થવાના અમને ઇનપુટ મળ્યા હતા: યુપી સરકાર 

સોગંદનામામાં યુપી સરકાર એ મધ્યરાત્રિ માં પીડિતા ના અંતિમ સંસ્કારનું કારણ પણ આપ્યું છે. તેમના કહેવા મુજબ ગુપ્તચર એજન્સીઓ પાસે ઇનપુટ હતું કે આ મુદ્દે સવારે મોટા પાયે હિંસા કરવાની તૈયારી કરવામાં આવી રહી છે. જો તમે સવાર સુધી પ્રતીક્ષા કરો છો, તો પરિસ્થિતિ અનિયંત્રિત થઈ શકે છે, તેથી અંતિમ સંસ્કાર રાત્રે પરિવારજનો ની મંજૂરીથી કરવામાં આવ્યા હતા.