ડિફેન્સ / ભારતીય નૌસેનાના શસ્ત્રાગારમાં ઉમેરાશે આ અદ્યતન વિમાન, દુશ્મનો પર રહેશે બાજ નજર

• ભારતીય નૌસેનામાં ઉમેરાશે P8I વિમાન 
• અમેરિકન બોઈંગ કંપની સાથે થયો છે સોદો 
• સમુદ્ર અને જમીન બંને જગ્યાએ રાખી શકે છે નજર 

ભારતીય નૌકાદળને બુધવારે યુએસ તરફથી પહેલું નવું લાંબા અંતરનું દરિયાઇ પેટ્રોલિંગ એરક્રાફ્ટ P8I પ્રાપ્ત થયું છે, જેને ગોવા એર સ્ટેશન પર લાવવામાં આવ્યું છે. તે સમુદ્ર હેઠળ સબમરીનને નિશાન બનાવવા અને તેનો નાશ કરવા માટેના સેન્સર અને આધુનિક શસ્ત્રોથી સજ્જ છે. જ્યારે, અન્ય ત્રણ P8I વિમાનો ની ડિલિવરી આવતા વર્ષ સુધીમાં મળી જશે. 

જુલાઇ 2016માં ભારતે ચાર વિમાનો ખરીદ્યા હતા

અમેરિકા સાથે જુલાઈ, 2016 માં ચાર P8I વિમાનો ખરીદવા મતેની ડીલ થઈ હતી, જેની કિંમત 88 બિલિયન ડોલર હતી. આ ચાર નવા P8I વિમાનો પશ્ચિમી દરિયાકાંઠા પર નજર રાખવા માટે ગોવાના  INS HANS  માં તૈનાત કરવાના છે.

અગાઉ તમિલનાડુના અરકકોનમ માં INS RAJALI ખાતે આવા 8 વિમાનોને તૈનાત કરાયા હતા. જોકે શરૂઆતમાં તેનો ઉદ્દેશ હિંદ મહાસાગરમાં નજર રાખવાનો હતો, પરંતુ હવે ભારત ચીન દ્વારા લદ્દાખમાં થઈ રહેલા નિર્માણ અને ગતિવિધિઓ પર નજર રાખવા માટે તેનો ઉપયોગ કરી રહ્યું છે.

ભારત દ્વારા 2009માં કરાયો હતો સોદો,  વધુ 6 વિમાનો માટે ડીલ થઈ શકે છે 

બોઈંગ દ્વારા બનાવવામાં આવેલા પ્રથમ આઠ P8I  વિમાનો , હાર્પૂન બ્લોક -2 મિસાઇલ, AK - 54  લાઇટ ટોર્પીડો, રોકેટ વગેરેથી સજ્જ હતા. તેમને જાન્યુઆરી 2009 માં ભારતીય નેવીમાં સામેલ કરવામાં આવ્યા હતી. આ માટે 2.1 બિલિયન ડોલરમાં સોદો કરવામાં આવ્યો હતો.

પ્રતિ કલાક મહત્તમ ગતિ 907 કિ.મી.ની સ્પીડ અને 1200 કિ.મી.ની પેટ્રોલિંગ રેન્જ ધરાવતા P8I દરિયાઇ દેખરેખ અને ગુપ્તચર મિશન માટે યોગ્ય છે. ભારત અમેરિકા સાથે વધુ આવા 6 P8I વિમાનો માટે ડીલ કરવા જારી રહ્યું છે, જેની કિંમત 1.8 બિલિયન ડોલર જેટલી આંકવામાં આવી રહી છે.