IPLIN
 
  • Home
  • India
  • Extra
  • the-oath-ceremony-in-karnataka-witnessed-unity-of-opposition

2019ની ચૂંટણી પહેલા કર્ણાટકના શપથ મંચ પર જોવા મળી વિપક્ષી એકજૂટની તસ્વીર

Team VTV 08:34 PM, 23 May 18 | Updated: 06:54 PM, 30 Mar 19
Follow us
the-oath-ceremony-in-karnataka-witnessed-unity-of-opposition
કર્ણાટકમાં લાંબા સમય સુધી ચાલેલી સિયાસી ઉથલપાથલ પછી JDSના નેતા એચ.ડી કુમારસ્વામીના નેતૃત્વમાં રાજ્યની નવી સરકારે બુધવારે પોતાની સત્તા સંભાળી. કોંગ્રેસ અને JDSની આ  ગઠબંધન સરકારમાં કોંગ્રેસના પ્રદેશ અધ્યક્ષ જી પરમેશ્વરે પણ ડેપ્યુટી સીએમ પદ માટે શપથ ગ્રહણ કર્યા. કુમાર સ્વામીના શપથ ગ્રહણ સમારોહમાં ન તો માત્ર રાજ્યની સિયાસતનો નવો અધ્યાય શરૂ થયો પરંતુ આ શપથ ગ્રહણથી વર્ષ 2019માં થનારા લોકોસભાની ચૂંટણીમાં  પ્રધાનમંત્રી નરેન્દ્ર મોદી વિરોધ મોરચાની એક સ્પષ્ટ તસ્વીર જોવા મળી.શુક્રવારે થનારા બહુમતી પરિક્ષણ પછી મંત્રીમંડળમાં અન્ય સભ્યોનો પણ સમાવેશ કરવામાં આવશે.
 
JDSના નેતા એચ.ડી.કુમારસ્વામીના આ શપથ ગ્રહણ સમારોહમાં તમામ વિપક્ષી દળોના દિગ્ગજ નેતાઓએ હાજરી આપીને પ્રધાનમંત્રી નરેન્દ્ર મોદીના વિરુદ્ધ મજબૂત મોરચો બનાવવાનો સંદેશો આપી દીધો. જેમાં કોંગ્રેસ અધ્યક્ષ રાહુલ ગાંધી UPAના ચેયરપર્સન સોનિયા ગાંધી JDS સુપ્રીમો એચ.ડી. દેવગૌડા પશ્ચિમ બંગાળના મુખ્યમંત્રી મમતા બેનર્જી આંધ્રપ્રદેશના મુખ્યમંત્રી એન ચંદ્રબાબૂ નાયડૂ દિલ્હીના મુખ્મમંત્રી અરવિંદ કેજરીવાલ કેરળના મુખ્યમંત્રી પિનરાઈ વિજયન હાજર રહ્યા હતા રાજ્યસભા સાંસદ શરદ યાદવ RLD અધ્યક્ષ અને પૂર્વ કેન્દ્રીય મંત્રી અજીત સિંહ સહિતના તમામ વિપક્ષી પાર્ટીના મોટા નેતાઓ આ શપથ ગ્રહણ સમારોહમાં એકસાથે આવ્યા અને એકતાનો સંદેશ આપતા જોવા મળ્યા.
 
ફુલપુર અને ગોરખપુરના લોકસભાની પેટા ચૂંટણીમાં સાથે આવીને ભાજપાને કારમો પરાજય આપનાર સપા અધ્યક્ષ અખિલેશ યાદવ અને બસપા નેતા માયાવતીએ પહેલી વાર આ શપથ ગ્રહણ સમારોહ માટે મંચ પર સાથે આવ્યા હતા. અન્ય નેતાઓમાં NCPના નેતા શરદ પવાર માકપા મહાસચિવ સીતારામ યેચુરી RJDના નેતા તેજસ્વી યાદવ પણ આ શપથ ગ્રહણ સમારોહમાં હાજર હતા.
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ