આગાહી / હવામાન વિભાગની હજુ બે દિવસ ભારે વરસાદની આગાહી, ગુજરાતના આ વિસ્તારોમાં પડી શકે છે ભારે વરસાદ

• ગુજરાતમાં હજુ રહેશે વરસાદી માહોલ
• બે દિવસ સુધી ભારે વરસાદની શકયતા
• રાજ્યમાં ઓછી થઈ રહી છે વરસાદની ઘટ

રાજ્યમાં વરસાદની મોસમ પુરજોશમાં ખીલી છે ત્યારે હવામાન વિભાગે વરસાદને લઈને આગાહી કરતા જણાવ્યું છે કે હજુ પણ ગુજરાતમાં સારો વરસાદ પડી શકે છે, રાજ્યમાં બે દિવસ સુધી ભારે વરસાદની હવામાન વિભાગે આગાહી કરી છે. જ્યારે ઉત્તર ગુજરાત અને મધ્ય ગુજરાતમાં પણ ભારેથી અતિભારે વરસાદ પડી શકે છે તેવું હવામાન વિભાગે જણાવ્યું છે. 

બે દિવસ સુધી ભારે વરસાદની શક્યતા

સપ્ટેમ્બર મહિનાની શરૂઆતથી અનેક જિલ્લાઓમાં ધોમમાર વસરસી રહ્યો છે જેના કારણે અનેક ડેમોમાં પાણીની સારી આવક થઈ છે  તો ગુજરાતના જળાશયોમાં નવા નીર આવતા રાજ્યમાં જળસંકટનો ખતરો ટળ્યો છે એવામાં હજુ પણ 18 ટકા વરસાદની ઘટ જોવાઈ રહી છે ત્યારે આ મહિનામાં તે પુરી થઈ શકે તેવું હવામાન વિભાગ દ્વારા અનુમાન સેવાઈ રહ્યું છે. સાયક્લોનિક સર્કયુલેશન સક્રિય થતા દક્ષિણ ગુજરાતથી લઈ સૌરાષ્ટ્રના પંથકમાં પણ મધ્યમથી ભારે વરસાદ પડી શકે છે.

રાજ્યમાં ઓછી થઈ રહી છે વરસાદની ઘટ

હવામાન વિભાગે આગાહી કરી છે કે આગામી દિવસોમાં રાજ્યમાં જે વરસાદની ઘટ છે તે પુરી થશે સાથે રાજ્યમાં અનેક જિલ્લાઓ જેવા કે અરવલ્લી, પાટણ, સાબરકાંઠા, બનાસકાંઠા, ખેડા, સાણંદ, નડિયાદ, અમદાવાદ, ગાંધીનગર સહિતના વિસ્તારોમાં સારો વરસાદ પડી શકે છે તેવી  આગાહી કરી છે.

તો આ તરફ દાહોદ, પંચમહલ, મહીસાગર, મહેસાણામાં હળવાથી ભારે વરસાદનું અનુમાન કરવામાં આવ્યુ છે સાયક્લોનિક સર્ક્યુલેશનના કારણે અમદાવાદ અને ગાંધીનગરમાં પણ મધ્યમ વરસાદ પડે તેવી સંભાવનાઓ વ્યક્ત કરવામા આવી છે.