ઓક્ટોબરની શરૂઆતમાં, ભારતે વર્લ્ડ ટ્રેડ ઓર્ગેનાઇઝેશન WTO ને કહ્યું હતું કે વિકાસશીલ દેશો માટે બૌદ્ધિક સંપત્તિના નિયમોને થોડા સમય માટે સાઇડલાઇન કરવાની વિનંતી કરી હતી આ માંગણી કોવિડ 19 રસીના ઉત્પાદન અને આયાતને સરળ બનાવવા માટે કરી હતી.
WHO ના અધ્યક્ષે હિન્દીમાં કરી ટ્વિટ
ભારત અને દક્ષિણ આફ્રિકાનો માન્યો આભાર
ભારત અને દક્ષિણ આફ્રિકાએ WTO ને લખ્યો હતો પત્ર
દુનિયાભરમાં હાલમાં કોરોના વાયરસ ની દવા અને વેક્સિન વિકસિત કરવા માટે યુદ્ધના ધોરણે કામ ચાલી રહ્યું છે. વિશ્વ સ્વાસ્થ્ય સંગઠન આ કોરોના મહામારીમાં એક મહત્વપૂર્ણ ભૂમિકા નિભાવી રહ્યું છે, આ બધાની વચ્ચે WHO ના વડા Tedros Adhanom Ghebreyesus હિન્દીમાં ટ્વિટ કરી હતી જેમાં તેમણે ભારત અને દક્ષિણ આફ્રિકા નો આભાર માન્યો હતો.
धन्यवाद भारत 🇮🇳 और दक्षिण अफ़्रीका 🇿🇦 , बौधिक सम्पदा के मुद्दे पर कोविड-१९ के संदर्भ में पुनर्विचार के सुझाव के लिए ताकि वैक्सीन, दवा आदि कम दाम पर उपलब्ध कराएं जा सके। ये एक सराहनीय कदम है 🙏https://t.co/b9ZLeX9kj7
WHO ના વડાએ કહ્યું, "કોવિડ -19 સંદર્ભમાં બૌદ્ધિક સંપત્તિ એટલે કે IPR ના મુદ્દા પર પુનર્વિચારણાનું સૂચન કરવા બદલ ભારત અને દક્ષિણ આફ્રિકાનો આભાર, જેથી રસીઓ, દવાઓ વગેરે ઓછા ભાવે ઉપલબ્ધ થઈ શકે. આ એક પ્રશંસનીય પગલું છે."
હકીકતમાં, ઓક્ટોબરની શરૂઆતમાં, ભારતે વર્લ્ડ ટ્રેડ ઓર્ગેનાઇઝેશન WTO ને કહ્યું હતું કે વિકાસશીલ દેશો માટે કોવિડ 19 રસીના ઉત્પાદન અને આયાતને સરળ બનાવવા માટે બૌદ્ધિક સંપત્તિના નિયમોમાં થોડી ઢીલ આપવામાં આવે, આ મુદ્દાને બાયપાસ કરવાના સંદર્ભે ભારત અને દક્ષિણ આફ્રિકા એ WTO ને પત્ર પણ લખ્યા હતા.
ભારત અને દક્ષિણ આફ્રિકાએ WTO એ લખ્યો હતો પત્ર
2 ઓક્ટોબરના રોજ લખેલા પત્રમાં, બંને દેશોએ WTO ને બૌદ્ધિક સંપત્તિ અધિકારના વેપાર-સંબંધિત પાસાઓ પરના કરારનો ભાગ માફ કરવા અપીલ કરી હતી. પેટન્ટ, ટ્રેડમાર્ક, કોપિરાઇટ અને વૈશ્વિક સ્તરે અન્ય બૌદ્ધિક સંપત્તિ નિયમોનું WTO સંચાલન કરે છે. WTO વેબસાઇટ પર પ્રકાશિત થયેલા આ લેખ માં જણાવાયું છે કે કોરોના વાયરસ માટે તબીબી સિસ્ટમો અને રસી નવી નિદાન તરીકે વિકસાવવામાં આવી છે.
IPR ના કાયદા અડચણરૂપ બની શકે તેમ છે : ભારત અને દક્ષિણ આફ્રિકા
આવી સ્થિતિમાં આ ક્ષેત્રે હાલમાં ઘણા પડકારોનો સામનો કરવો પડી શકે તેમ છે, જેમ કે જલ્દીથી જરૂરપૂર્ણ માત્રામાં રસી અને દવાઓનો પુરવઠો ઉપલબ્ધ કરાવી શકાય, આ મુદ્દે વૈશ્વિક ડિમાન્ડને સંતોષવી પણ એક પડકાર છે. બંને દેશોએ એકીસાથે કહ્યું હતું કે વિકાસશીલ દેશો હાલમાં મહામારીથી પ્રભાવિત છે અને IPR ના કાયદા સસ્તી દવા બનાવવાની કવાયદમાં અડચણરૂપ બની શકે તેમ છે.