મેડ ઇન ઇન્ડિયા ગેમ ફોજીમાં જલ્દી જ નવું ફીચર આવશે. હવે બેટલ ગેમમાં ટીમ ડેથમેથ મોડ આપવાની વાત સામે આવી છે. આ મોડ દ્વારા ગેમમાં મલ્ટીપ્લેયર કન્ટેન્ટને એડ કરવામાં આવશે. મેડ ઇન ઇન્ડિયા ફોજીને ભારતમાં 26 જાન્યુઆરીના રોજ લોન્ચ કરવામાં આવી હતી. લૉન્ચ બાદ તેને 50 લાખ વાર ડાઉનલોડ કરવામાં આવી હતી. ગેમ રમનારા લોકોનું કહેવું છે કે તેમાં વધારે કોન્ટેન્ટ આપવામાં આવ્યું નથી.
અક્ષય કુમારે પોતાના ટ્વિટર અકાઉન્ટ દ્વારા જાણકારી આપી છે કે Team Deathmatch મોડ જલ્દી જ લાવવામાં આવશે. બાદમાં આ ગેમ તમે તમારા મિત્રો સાથે પણ રમી શકશો. અક્ષયે ટ્વિટમાં જણાવ્યું કે, પ્લેયર્સ પોતાના મિત્રો સાથે મળીને બેટલનો હિસ્સો બની શકશે. Team Deathmatchમાં પાંચ પ્લેયરની બે ટીમ હશે જે એકબીજા વિરુદ્ધ લડશે.
આશા રાખવામાં આવી રહી છે કે આમાં એક નવો મેપ પણ એડ કરવામાં આવશે કારણકે એકથી વધારે નવા મેપ નહી હોય તો બંને ટીમ વચ્ચે બેટલ કઇ જગ્યાએ થશે? આ મોડ ક્યારે લોન્ચ થશે તેની કોઇ જાણકારી મળી નથી. આ ગેમને બેંગ્લોર બેઝ્ડ nCore games દ્વારા બનાવવામાં આવી છે.