વલસાડ / હચમચાવી મુકે તેવી ઘટના ! સગા બાપે દિકરી પર દુષ્કર્મ આચરી બનાવી ગર્ભવતી,પોલીસ સકંજામાં લંપટ

• વલસાડના ધરમપુરની ચકચારી ઘટના
• સગાબાપે દિકરી પર આચર્યુ દુષ્કર્મ
• પોલીસે નરાધમ બાપની કરી ધરપકડ 

કળિયુગમાં દિકરી અને પિતાના સંબંધોને લાંછન લગાવતો આ કિસ્સો સામે આવ્યો છે.વલસાડમાં એક એવી ઘટના સામે આવી છે જે જાણીને  રોષ ભભૂકી ઉઠે. પિતા અને દિકરીના પવિત્ર સંબંધનીતો વાત કરો એટલી ઓછી પડે . પિતાનો દિકરી પ્રત્યે કેવો પ્રેમની વાત કરતા તો આંખમાંથી આંસુ છલકાઇ જાય ત્યારે વલસાડમાં તો સગા બાપે જ દિકરી પર નજર બગાડતા ચકચાર મચી છે. 

સગા બાપે દીકરીને બનાવી ગર્ભવતી

ગુજરાતમાં દુષ્કર્મની ઘટનાઓમાં વધારો થઇ રહ્યો છે. ત્યારે . વલસાડમાં લોહીના સંબંધોને લજવતી એક ઘટના બની. ભણવાની ઉંમરે સગા બાપે જ દિકરીને ગર્ભવતી બનાવી. ધરમપુરના એક ગામની આ ઘટના છે. જ્યાં બાપે સગીર વયની દીકરી પર દુષ્કર્મ આચર્યું. બે વર્ષ સુધી આ દિકરી હવસખોર બાપનો શિકાર બનતી રહી. સગો બાપ પોતાની જ દીકરીને જાનથી મારી નાખવાની ધમકી આપતો હતો અને  ઘરમાંથી કાઢી મૂકવાની ધમકી આપીને દુષ્કર્મ ગુજારતો હતો.  જોકે દિકરીએ જ્યારે બાળકીને જન્મ આપ્યો ત્યારે સમગ્ર લંપટ બાપનો ભાંડો ફૂટ્યો અને આખી ઘટના સામે આવી. ઘટનાની જાણ થતા નરાધમ પતિ વિરુદ્ધ પત્નીએ પોલીસ ફરિયાદ નોંધાવી છે. ધરમપુર પોલીસે નરાધમ બાપની ધરપકડ કરીને વધુ તપાસ હાથ ધરી છે. 

ખેડામાં સબ ડિસ્ટ્રિક્ટ હોસ્પિટલના સુપ્રિટેન્ડન્ટ સામે દુષ્કર્મની ફરિયાદ 

ખેડાના ડાકોરની સબ ડિસ્ટ્રિક્ટ હોસ્પિટલના સુપ્રિટેન્ડન્ટ સામે દુષ્કર્મની ફરિયાદ નોંધાઇ છે. 52 વર્ષીય સુપ્રિટેન્ડેન્ટ ડો. અજય વાલા સામે ફરિયાદ નોંધવામાં આવી છે. એપ્રેન્ટિસ ડોક્ટર યુવતી સાથે દુષ્કર્મ આચર્યાની ફરિયાદ નોંધાઇ. સરકારી નોકરી અને લગ્નની લાલચ આપીને સુપ્રિટેન્ડેન્ટે દુષ્કર્મ આચર્યાની ફરિયાદ નોંધાઇ છે. સુપ્રિટેન્ડન્ટે આણંદના બંગલામાં એપ્રેન્ટિસ ડોક્ટરને લઇ જઇ અનેકવાર દુષ્કર્મ આચર્યુ હોવાનું જાણવા મળી રહ્યું છે. એવું કહેવાય છે કે, એપ્રેન્ટિસ ડોક્ટર યુવતીના લગ્ન થઇ ગયા બાદ પણ હોસ્પિટલના સુપ્રિટેન્ડન્ટે યુવતી સાથે જબરજસ્તી કર્યાની ફરિયાદ નોંધવામાં આવી છે. ડોક્ટર યુવતીને છૂટાછેડા લેવા પણ ધમકી આપતો હોવાનો આક્ષેપ લગાવવામાં આવ્યો છે. હાલમાં ડાકોર પોલીસે ફરિયાદ નોંધી આ મામલે વધુ તપાસ હાથ ધરી છે.