આજના સમયમાં આધાર કાર્ડ દરેક માટે એક મહત્વપૂર્ણ દસ્તાવેજ બની ગયો છે. અનેક સરકારી સ્કીમ્સથી લઈને સ્કૂલોમાં બાળકોના એડમિશન સુધી આધારકાર્ડ માંગવામાં આવે છે. આ ઉપરાંત ઓળખકાર્ડ તરીકે પણ આધારકાર્ડનો ઉપયોગ કરવામાં આવે છે. અગાઉ આધાર કાર્ડ પોસ્ટ દ્વારા મોકલવામાં આવતું હતું. પરંતુ, હવે તમને નવા અવતારમાં આધારકાર્ડ જોવા મળશે. આ નવા પ્રકારના આધારની સૌથી ખાસ વાત એ છે કે હવે તેને સાચવવામાં સરળતા રહેશે. UIDAIએ આ વિશે માહિતી આપી છે.
આધારને લઈને આવ્યા કામના સમાચાર
હવે એટીએમ કાર્ડ જેવો થઈ જશે આધાર
UIDAIએ આ વિશે માહિતી આપી
UIDAIએ જાણકારી આપી છે કે, હને આધાર કાર્ડને પોલિવિનાઈલ ક્લોરાઈડ (PVC) પર રિપ્રિંટ કરાવી શકાય છે. આ કાર્ડ એટીએમ કાર્ડની જેમ સરળતાથી તમારા પર્સમાં આવી જશે અને જલ્દી ખરાબ પણ નહીં થાય. UIDAIએ એક ટ્વિટ કરીને લખ્યું- હવે તમારો આધાર સુવિધાજનક સાઈઝમાં ઉપલબ્ધ રહેશે, જેથી તેને સરળતાથી વોલેટમાં રાખી શકાશે.
આ ટ્વિટમાં આગળ કહેવામાં આવ્યું છે કે તમે તમારો આધાર પીવીસી કાર્ડમાં ઓર્ડર કરી શકો છો. તે ટકાઉ, દેખાવમાં આકર્ષક અને લેટેસ્ટ સિક્યોરિટી ફીચર્સથી સજ્જ છે. તેના સિક્યોરિટી ફીચર્સમાં હોલોગ્રામ, ગિલોચ પેટર્ન, ઘોસ્ટ ઈમેજ અને માઇક્રોટેક્સ્ટ સામેલ હશે.
#AadhaarInYourWallet
You can now order the all-new Aadhaar PVC card, which is durable, looks attractive, and has the latest security features. Its security features include a hologram, Guilloche Pattern, ghost image & Microtext. To order, click https://t.co/TVsl6Xh1cXpic.twitter.com/FTNbOa5wE3
તમને જણાવી દઈએ કે, પીવીસી કાર્ડ પોલિવિનાઈલ ક્લોરાઈડ કાર્ડ્સના નામથી પણ ઓળખાય છે. આ એક પ્રકારનું પ્લાસ્ટિક કાર્ડ હોય છે. જેની પર આધારની જાણકારીઓને પ્રિન્ટ કરવામાં આવે છે. આ કાર્ડ બનાવવાનો ખર્ચ 50 રૂપિયા થાય છે.
આ રીતે મેળવો નવો પીવીસી આધારકાર્ડ
તેના માટે સૌથી પહેલાં તમારે યુઆઈડીએઆઈ વેબસાઇટ પર ઓનલાઇન અરજી કરવી પડશે.
આ વેબસાઇટ પર 'My Aadhaar' સેક્શનમાં જઈને 'Order Aadhaar PVC Card' પર ક્લિક કરો.
આ પછી તમારે તમારા આધારનો 12 ડિજિટનો નંબર અથવા 16 ડિજિટનો વર્ચ્યુઅલ આઈડી અથવા 28 ડિજિટનો એનરોલમેન્ટ આઈડી (EID) એન્ટર કરવો પડશે.
પછી સિક્યોરિટી કોડ અથવા કેપ્ચા ભરવું પડશે.
ઓટીપી માટે સેન્ડ ઓટીપી પર ક્લિક કરો.
ત્યારબાદ તમારા રજિસ્ટર્ડ મોબાઈલ નંબર પર પ્રાપ્ત ઓટીપી એન્ટર કરી સબમિટ કરો.
સબમિશન બાદ તમારી સામે પીવીસી આધારનો એક પ્રિવ્યૂ આવશે.
ત્યારબાદ નીચે પેમેન્ટ ઓપ્શન પર ક્લિક કરો અને પેમેન્ટ પેજ પર જઈને અહીં 50 રૂપિયા ફીસ જમા કરો.
પેમેન્ટ કર્યા બાદ આધાર પીવીસી કાર્ડનું ઓર્ડર પ્રોસેસ પૂરી થઈ જશે.