સલાહ / વિશ્વના સૌથી અમીર એલન મસ્કની કંપનીને ભારત સરકારની આ મામલે સ્પષ્ટ ચેતવણી, જાણો હવે ટેસ્લાએ શું લીધો નિર્ણય

• ભારત સરકારની ટેસ્લા કંપનીને ચેતવણી
• ચીનમાં બનેલી કાર ભારતમાં ન વેચો
• ટેસ્લા ભારતમાં જ કાર બનાવીને વેચશેઃ ગડકરી

જોકે, ખાનગી ન્યૂઝ ચેનલના કૉન્ક્લેવ 2021માં કેન્દ્રીય મંત્રી નિતિન ગડકરીએ કહ્યું કે, સરકારે ટેસ્લાને સલાહ આપી છે કે તેઓ ભારતમાં જ કાર બનાવીને વેચ અને નિકાસ પણ કરે. કંપનીએ પણ સંકેત આપ્યા છે કે તેઓ જલ્દીથી ભારતમાં પ્લાન્ટ શરૂ કરશે અને જો અહીં પર ઇલેક્ટ્રિક કારોનું પ્રોડક્શન થશે.

ચીનમાં બનેલી કાર ભારતમાં ન વેચવાની સલાહ

બોર્ડર પર તણાવના કારણે ભારત અને ચીનના વેપારી સંબંધો પર પણ અસર દેખાઇ રહી છે. દુનિયાની સૌથી મોટી ઇલેક્ટ્રિક કાર કંપની ટેસ્લાને કેન્દ્રીય મંત્રી નિતિન ગડકરીએ કહ્યું છે કે, તેઓ ભારતમાં ચીનમાં બનેલી કારો નહીં વેચે. ટેસ્લાએ અમેરિકાની બહાર સૌથી પહેલો પ્લાન્ટ ચીનમાં લગાવ્યો છે. કંપની ચીનથી જ યૂરોપ અને બીજા દેશોમાં ટેસ્લા ઈ-કારોને એક્સપોર્ટ કરે છે.
પરંતુ આ ભારતને પસંદ નથી. 

એલન મસ્કની કંપની ટેસ્લા ભારતમાં ઇલેક્ટ્રિક કાર લોન્ચ કરશેઃ ગડકરી

નિતિન ગડકરીએ ટેસ્લાને કહ્યું કે, તેઓ ભારતમાં પ્લાન્ટ નાખે અને અહીંથી ઈ-કારોની બીજા દેશમાં નિકાસ કરે. ટેસ્લાની ઇલેક્ટ્રીક કારનું ઉત્પાદન જલ્દીધી બારતમાં શરૂ થવાની આશા છે. શક્ય છે કે આવનારા કેટલાક મહિનાઓમાં એલન મસ્કની કંપની ટેસ્લા ભારતમાં ઇલેક્ટ્રિક કાર લોન્ચ કરી દેશે. આ સંકેત પણ કેન્દ્રીય મંત્રી નિતિન ગડકરીએ આપ્યા છે. તેમણે કહ્યું કે, ભારતીય બજારમાં એન્ટ્રી માટે ટેસ્લા અને સરકારો વચ્ચે સતત વાતચીત ચાલી રહી છે.

સરકાર ટેસ્લાને મદદ માટે તૈયારઃ ગડકરી

નિતિન ગડકરીએ કહ્યું કે, ટેસ્લાએ ભારતમાં ઉત્પાદન શરૂ કરવા અને અહીંથી કારને બીજા દેશોને એક્સપોર્ટ કરવામાં પણ મદદ જોઇએ તો સરકાર તૈયાર છે. ટેસ્લાની કારની હાલની કિંમત ભારતના અંદાજથી ઘણી વધુ માનવામાં આવી શકે છે. પરંતુ ગડકરીનું કહેવું છે કે, ટેસ્લાની કારોની કિંમત બીજી કારોથી વ્યાજબી હશે.

ટેસ્લા ભારતમાં જ કાર બનાવીને વેચશેઃ ગડકરી

ટેસ્લા ભારતમાં જ કાર બનાવીને વેચશે, જેના માટે અહીંના વેન્ડર્સ પણ તૈયાર છે, અને તેની કિંમત 35 લાખની આસપાસ હશે. ટેસ્લાના આવવાથી ઇલેક્ટ્રિક વાહનોના ભારતીય બજારને મદદ મળશે. ઈ-કારો પર રિસર્ચ કરી રહેલી ભારતીય કાર કંપનીઓ પણ આવનારા દિવસોમાં ટેસ્લાના મુકાબલો કરવામાં સક્ષમ થઇ જશે. આનાથી પેટ્રોલ-ડીઝલ પર કેટલાક દેશોનો કંટ્રોલ ખતમ થઇ જશે.