ટેલિવિઝન ઈન્ડસ્ટ્રીમાંથી વધુ એક સુસાઈડ કેસ સામે આવ્યો છે. તેલુગૂ ટીવી એક્ટ્રેસ શ્રાવણી કોંડાપલ્લીએ મંગળવારે રાત્રે પોતાના ફ્લેટમાં ગળે ફાંસો ખાઈને આત્મહત્યા કરી લીધી. તે 26 વર્ષની હતી. અભિનેત્રીનો ફ્લેટ મધુરા ગરમાં હતો. એસઆર નગર પોલીસ મથકે ગુનો નોંધી આ કેસની તપાસ શરૂ કરી છે.
તેલુગૂ ટીવી એક્ટ્રેસે કરી આત્મહત્યા
26 વર્ષની ઉંમરે ગળે ફાંસો ખાઈ કર્યો આપઘાત
અભિનેત્રી આંધ્રપ્રદેશના પશ્ચિમ ગોદાવરી જિલ્લાની રહેવાસી હતી. અભિનેત્રીએ તેની 8 વર્ષની કારકિર્દીમાં ઘણાં ટીવી શોમાં કામ કર્યું હતું. પરિવારે અભિનેત્રીની મોત પાછળ ફાઉલ પ્લેનો દાવો કર્યો છે. મીડિયા સાથેની વાતચીતમાં અભિનેત્રીના ભાઈએ દેવરાજ પર શ્રાવણી પર પૈસા માટે દબાણ કરવાનો આરોપ લગાવ્યો છે. તેણે કહ્યું- મારી બહેને મને કહ્યું હતું કે દેવરાજ પૈસા માટે તેને બ્લેકમેલ કરે છે.
અભિનેત્રીની ડેડ બોડીને ઓસમાનિયા હોસ્પિટલમાં લઈ જવામાં આવી છે. તેના મૃતદેહનું પોસ્ટમોર્ટમ કરાશે. આ કેસમાં પોલીસ દેવરાજ નામના વ્યક્તિની શોધ કરી રહી છે, જે ટિક્ટોક દ્વારા અભિનેત્રીના સંપર્કમાં આવ્યો હતો. બંને વચ્ચે મિત્રતા હોવાની પણ ચર્ચા થઈ છે.
હાલમાં જ અનેક કલાકારોની આત્મહત્યાના સમાચાર સામે આવ્યા છે. જેમાં સૌથી મોટો કિસ્સો સુશાંત સિંહ રાજપૂતનો છે. સુશાંત સિંહે 14 જૂને તેના બાંદ્રાના ફ્લેટમાં આત્મહત્યા કરી હતી. આ કેસની તપાસ ત્રણ મોટી એજન્સીઓ (સીબીઆઈ, એનસીબી, ઇડી) કરી રહી છે.