- યુવાનો માટે ખુશખબર
- આ કંપની કરવા જઈ રહી છે મોટી ભરતી
- 3 લાખ જેટલી નોકરીઓ આવી રહી છે
ભારતની સૌથી મોટી સોફ્ટવેર સેવાઓ નિકાસકાર Tata Consultancy Services (TCS) આ નાણાકીય વર્ષ 2022-23માં 40 હજાર કર્મચારીઓની ભરતી કરશે. આ કંપનીએ તેના માટે જાહેરાત પણ કરી દીધી છે. કોરોના મહામારીથી દુનિયાભરમાં આર્થિક પડકારોની વચ્ચે ટીસીએસે 2021માં આઈટી ડોમેનમાં 40, 165 કર્મચારીઓની ભરતી કરી હતી.
ટીસીએસ કરશે મોટી ભરતી
ટીસીએસે પોતાના વાર્ષિક પરિણામોની જાહેરાત કરતા જણાવ્યું હતું કે, તેણે 31 માર્ચે ખતમ થઈ રહેલા ક્વાર્ટરમાં 35209 ભરતી કરી છે. આ એક ક્વાર્ટરમાં કંપની તરફથી કરવામાં આવેલી સૌથી મોટી ભરતી છે. કંપનીએ નાણાકીય વર્ષ 22માં કેમ્પસમાં એક લાખ ફ્રેશર્સની ભરતી જ્યારે તેનો ટાર્ગેટ 40 હજાર હતો.ટીસીએસે જણાવ્યું છે કે, તેને આવો ટાર્ગેટ FY23 માટે પણ રાખ્યો છે.
20 એપ્રિલ સુધીમાં રજીસ્ટ્રેશન કરી નાખો
ટીસીએસમાં હાલમાં કર્મચારીઓની સંખ્યા 5 લાખ 92 હજાર 125 છે. હાલમાં ટીસીએસ એટલસ હાયરિંગ સિરિઝ અંતર્ગત ભરતી કરી રહ્યું છે, જે નાણાકીય વર્ષ 2020, 2021 અને 2022ના એમએસસી અને એમએ સ્નાતકો માટે છે. પસંદગી પામેલા ઉમેદવારોને એક પરીક્ષા અને ઈંટરવ્યૂ પાસ કરવાનું રહેશે. રજીસ્ટ્રેશન tcs.com પર કરવાની રહેશે અને તે 20 એપ્રિલ સુધીમાં કરવાનું રહેશે.
શાનદાર રહ્યું છે ટીસીએસનું પ્રદર્શન
ટીસીએસના નાણાકીય પ્રદર્શનની વાત કરીએ તો, ગત વર્ષમાં ખૂબ જ સારુ રહ્યું છે. કંપનીની આવક પહેલી વાર માર્ચ 2022માં ચોથી ત્રિમાસિકના અંતમાં 50,000 કરોડ રૂપિયાને પાર પહોંચી ગયું છે.
ટીસીએસ ઉપરાંત આ કંપની પણ કરી શકે છે મોટી ભરતીની તૈયારી
ટીસીએસ ઉપરાંત ઈંફોસિસ પણ આ વર્ષે ભરતીની તૈયારી કરી રહ્યું છે. ઈંફોસિસને પણ ગુરૂવારે પોતાના ક્વાર્ટર 4 માટે પરિણામોની જાહેરાત કરી દીધી છે. તેણે માર્ચ 31, 2022માં પૂર્ણ થયેલા નાણાકીય વર્ષમાં 85 હજાર ફ્રેશર્સની ભરતી કરી હતી. કંપની આ વર્ષે પણ 50 હજાર ફ્રેશર્સની ભરતી કરે તેવી આશા છે.
આ ઉપરાંત વિપ્રો, એચસીએલ, કોગ્નિઝેંટ અને કૈપઝેમિની પણ હજારો લોકોની ભરતી કરશે, નિષ્ણાંતોના જણાવ્યા અનુસાર આ તમામ આઈટી કંપનીઓ કુલ 3 લાખ ભરતી આ વર્ષે કરી શકે છે.
