જો તમે પણ શેર બજારમાં રોકાણ કરો છો અથવા આવનાર સમયમાં ઇન્વેસ્ટ કરવાનું વિચારી રહ્યા છો, તો આ જાણકારી તમને ફાયદો અપાવી શકે છે. મે મહિનામાં ટાટા ગ્રુપનાં એક સ્ટોકમાં તમે દાવ લગાવી શકો છો. આ સ્ટોક ટાટા મોટર્સનો છે.
22 ટકાનાં ઉછાળનું અનુમાન
એમકે ગ્લોબલે પણ ટાટા મોટર્સનાં શેર ખરીદવાની સલાહ આપી છે. એમકે ગ્લોબલનાં અનુમાન અનુસાર, આ શેર આવતા એક વર્ષમાં 530 રૂપિયાનાં સ્તર સુધી પહોંચી શકે છે. 29 એપ્રિલનાં રોજ બંધ થયેલ સત્રમાં આ શેર 436 રૂપિયાનાં સ્તર પર બંધ થયા છે. એટલે કે જો અત્યારે તમે આ શેર ખરીદ્યા, તો તમને આવતા એક વર્ષમાં લગભગ 22 ટકાનો ફાયદો થી શકે છે.
લોકોને પસંદ આવી રહ્યા છે ટાટાનાં વેહીકલ્સ
ટાટા મોટર્સ લિમિટેડ ઓટો સેક્ટર ની અગ્રણી કંપની છે. આ કંપનીનાં વેહીકલ્સ લોકોને ખૂબ જ પસંદ પડી રહ્યા છે. ટાટાનાં ઈ-વેહીકલ્સ પણ પોતાની શ્રેણીમાં લોકોને પોતાની તરફ ખેંચી રહ્યા છે. 31 માર્ચ 2022નાં રોજ સમાપ્ત થયેલ ત્રિમાસિક કંપનીમાં પ્રમોટરોની 46.4 ટકા હિસ્સેદારી હતી, જ્યારે એફઆઈઆઈની 14.45 ટકા, ડીઆઈઆઈની 14.39 ટકા હિસ્સેદારી હતી.
કંપનીનો ફ્યુચર પ્લાન
ટાટા મોટર્સે ફાઈનાન્સિયલ યર 2022-23માં ઇલેક્ટ્રિક વેહીકલ્સનું ઉત્પાદન વધારીને 80,000 યૂનિટ સુધીનું લખ્ય રાખ્યું છે. ટાટાએ ગયા વર્ષે કહ્યું હતું કે માર્ચ 2026 સુધીમાં 10 ઇલેક્ટ્રિક વેહીકલ્સ લોન્ચ કરવામાં આવશે.