મોટો નિર્ણય / BIG NEWS : IPLમાંથી ચીની કંપની વિવોની 'ટાટા બાય બાય', ટાટા ગ્રુપ ટાઈટલ સ્પોન્સર બનશે

• IPLને લઈને મોટા સમાચાર
• 2023થી ટાટા ગ્રુપ  IPLના ટાઈટલ સ્પોન્સર તરીકેનું કામકાજ સંભાળશે
• ચીની કંપની વીવોનું સ્થાન લેશે

IPL ગવર્નિંગ કાઉન્સિલની મંગળવારે મળેલી બેઠકમાં IPLના ટાઈટલ સ્પોન્સર્સને લઈને એક મોટો નિર્ણય લેવાયો છે. ગવર્નિંગ કાઉન્સિલે 2023ની સાલથી આઈપીએલના નવા ટાઈટલ સ્પોન્સર તરીકે ટાટા ગ્રુપની પસંદગી કરી છે. હાલની ટાઈટલ સ્પોન્સર વિવોનો કોન્ટ્રાક્ટ 2022મા પૂરો થઈ જશે. 

ઈન્ડિયન પ્રીમિયર લીગને નવા ટાઇટલ સ્પોન્સર મળ્યા

ઈન્ડિયન પ્રીમિયર લીગને નવા ટાઇટલ સ્પોન્સર મળ્યા છે. 2023થી ટાટા ટાઇટલ સ્પોન્સરની કમાન સંભાળશે. એટલે કે 2023થી આ ટુર્નામેન્ટ હવે ટાટા આઇપીએલ તરીકે ઓળખાશે. ચીનની કંપની વિવો ૨૦૨૨ સુધી જ સ્પોન્સરશિપ પર રહેશે. IPL ગવર્નિંગ કાઉન્સિલની મંગળવારે મળેલી બેઠકમાં ટાટાને IPLના ટાઇટલ સ્પોન્સર બનાવવાનો નિર્ણય લેવાયો હતો. બેઠકમાં અમદાવાદની ટીમ ખરીદનારા CVC ગ્રુપને પણ લેટર ઓફ ઈન્ટેન્ટ અપાયો હતો. ઉલ્લેખનીય છે કે ચીની કંપની વીવોનો ટાઈટસ સ્પોન્સર તરીકેનો કરાર 2022માં પૂરો થાય છે અને 2023થી આઈપીએલમાં ટાટા ગ્રુપ ટાઈટલ સ્પોન્સર્સ બનશે. 

Correction | TATA to replace VIVO as IPL title sponsor *for the upcoming edition of the league: IPL Chairman Brijesh Patel to ANI pic.twitter.com/YJDiYe1bap

— ANI (@ANI) January 11, 2022

IPLના ચેરમેન બ્રિજેશ પટેલે ટ્વિટ કરીને માહિતી આપી 
IPLના ચેરમેન બ્રિજેશ પટેલે પીટીઆઈને માહિતી આપી છે કે આવતા વર્ષથી ટાટા ચીનની કંપની વિવોના સ્થાને IPLનો ટાઇટલ સ્પોન્સર બનશે.

2022માં ચીની કંપની વિવોનો કોન્ટ્રાક્ટ પૂરો થશે 
વિવોએ 2018 માં IPL ટાઇટલ સ્પોન્સરશિપના અધિકારો ખરીદ્યા હતા. આ માટે કંપનીને દર વર્ષે બીસીસીઆઇને 440 કરોડ રૂપિયા ચૂકવવા પડ્યા હતા. વીવોનો કોન્ટ્રાક્ટ 2022 સુધી હતો. ગયા વર્ષે ભારત-ચીન વિવાદને કારણે દેશમાં વિરોધ પ્રદર્શન ફાટી નીકળ્યું ત્યારે વીવોને એક વર્ષ માટે વિરામ લેવો પડ્યો હતો.આઇપીએલની 2022ની સિઝન ઘણી રીતે ખાસ રહેવાની છે. કારણ કે આ વખતે મેગા હરાજી થવાની છે, તેમજ ટાઇટલ સ્પોન્સર તરીકે વિવોનું આ છેલ્લું વર્ષ હશે. એટલું જ નહીં આઇપીએલને ટૂંક સમયમાં જ નવા મીડિયા સ્પોન્સર મળશે કારણ કે સ્ટાર સાથે આઇપીએલનો અધિકાર પણ 2022 સુધીમાં સમાપ્ત થઈ જશે.