રેસિપી / રેસ્ટોરન્ટ સ્ટાઈલ પાલક પનીરની આ રેસિપી છે એકદમ સરળ, મિનિટોમાં બની જશે ટેસ્ટફુલ અને હેલ્ધી શાક

સામગ્રી

500 ગ્રામ પાલક
2 ડુંગળી
1 ચમચી આદુ લસણની પેસ્ટ
3 લીલાં મરચા
1 મોટું ટામેટું
5 ચમચી ઓઈલ
કોથમીર
2 ચમચી બટર

રીત

સૌથી પહેલાં પાલકના પાન ધોઈ લેવા. પછી એક કડાઈમાં પાલક ડુબે એટલું પાણી નાખીને ઉકળે એટલે તેમાં પાલક નાખી દો. ફ્લેસ ફાંસ રાખવી. 2 મિનિટ પાણીમાં પાલક ઉકાળી તેને નિતારી દો અને તેની પર ઠંડુ પાણી નાખી દો. હવે એક કડાઈમાં 3 ચમચી તેલ લઈને તેમાં 1 ચમચી જીરું નાખી દો. પછી તેમાં કાપેલી ડુંગળી, લસણ, ટામેટાં, આદુ, લીલાં મરચાં અને મીઠું નાખીને મિક્સ કરી દો. બધું સંતળાય જાય એટલે ઠંડુ કરીને તેને મિક્સરમાં લઈ લો પછી તેમાં જ બોઈલ પાલક અને બે ચમચી કોથમીરને પણ મિક્સરમાં નાખો. હવે તેમાં પા ચમચી મરી પાઉડર, ચપટી હળદર, અડધી ચમચી લાલ મરચું, 1 ચમચી ધાણાજીરું પાઉડર નાખીને પાણી નાખ્યા વિના પેસ્ટ બનાલી લો. પછી 250 ગ્રામ પનીરને ક્યૂબમાં કાપી લો. હવે એ જ કડાઈમાં 1 ચમચી ઓઈલ નાખી દો અને 2 ચમચી બટર પણ નાખો. પછી તેમાં 2 લસણની કળીને સમારીને નાખો. 1 લાલ આખું મરચું અને 1 તેજ પત્તું નાખીને સાંતળી લો. પછી તેમાં પાલકની પ્યોરી અને પનીર નાખીને મિક્સ કરી લો. તેમાં સ્વાદ પ્રમાણે મીઠું નાખી દો. લિક્વિડ ગ્રેવી જોઈએ તો એક કપ પાણી નાખી દો. 8-10 મિનિટ ઢાંકીને થવા દો. બસ તૈયાર છે તમારું પાલક પનીરનું શાક.