- તમિલનાડુમાં તંજાવુરમાં મોટી દુર્ઘટના
- મંદિરમાં શોભાયાત્રા દરમિયાન ઘટી દુર્ઘટના
- વીજ કરંટ લાગવાથી 10 લોકોના મોત
તમિલનાડુમાં મોટી દુર્ઘટના ઘટ્યાના સમાચાર સામે આવી રહ્યાં છે. તમિલનાડુના તંજાવુરમાં મંદિરમાં શોભાયાત્રા દરમિયાન વીજ કરંટ લાગવાથી 10 લોકોના મોત થયા છે જેમાં 2 બાળકો પણ સામેલ છે. અન્ય કેટલાંક લોકો ઘાયલ પણ થયા છે કે જેઓને હોસ્પિટલ સારવાર અર્થે ખસેડવામાં આવ્યાં છે. હાલ આ મામલે પોલીસ વધુ તપાસ હાથ ધરી રહી છે.
કોઇ એક ઇલેક્ટ્રિક વાયર કારના સંપર્કમાં આવતા દુર્ઘટના ઘટી હોવાનું અનુમાન
એવું કહેવામાં આવી રહ્યું છે કે, કોઇ એક ઇલેક્ટ્રિક વાયર કારના સંપર્કમાં આવ્યો હતો જ્યાર બાદ આ દુર્ઘટના ઘટી હતી. જોતજોતામાં જ અનેક લોકો આ કરંટની ઝપેટમાં આવી ગયા ત્યાર બાદ 10 લોકોના મોત સહિત અનેક લોકો ઘાયલ થયાના પણ સમાચાર સામે આવ્યાં છે.
મળતી માહિતી અનુસાર, આ અકસ્માતમાં અનેક શ્રદ્ધાળુઓ ગંભીર રીતે ઘાયલ થયા છે કે જેઓને તત્કાલિક ધોરણે નજીકની હોસ્પિટલમાં ખસેડવામાં આવ્યાં હતાં. આ સાથે આ ઘટનાની જાણ થતા તુરંત પોલીસનો કાફલો પણ ઘટનાસ્થળે પહોંચી ગયો છે અને હાલમાં રાહત બચાવ કાર્ય શરૂ કરી દેવાયું છે.
મૃતકોમાં 2 બાળકો પણ સામેલ
મંદિરમાં 94માં અપ્પર ગુરુપૂજા ઉત્સવનું આયોજન કરવામાં આવી રહ્યું હતું. દરમ્યાન આ ઉત્સવમાં ખૂબ મોટી સંખ્યામાં ભક્તો ઉમટ્યા હતા. એ જ વખતે અચાનક રસ્તાઓ પર પરંપરાગત રથયાત્રા દરમિયાન ઇલેક્ટ્રિક વાયર એક કારના સંપર્કમાં આવ્યો જ્યાર બાદ વીજ કરંટ લાગવાથી 10 લોકોના મોત નિપજ્યા હતા. પોલીસના જણાવ્યાં અનુસાર મૃતકોમાં બે બાળકોનો પણ સમાવેશ થાય છે.
