મુંબઇ: ફેમિના મિસ ઈન્ડિયા 2018 પ્રતિયોગિતાનું પરિણામ જાહેર થઈ ચૂક્યું છે. જેની વિજેતા અનુકૃતિ વાસ બની છે. તામિલનાડુમાં રહેનારી અનુકૃતિ વાસે 29 પ્રતિસ્પર્ધીઓને હરાવીને મિસ ઈન્ડિયાનો તાજ પોતાના નામે કર્યો છે. મુંબઈમાં યોજાયેલી આ સ્પર્ધામાં હરિયાણાની મીનાક્ષી ચૌધરી ફર્સ્ટ રનરઅપ અને આંધ્રપ્રદેશની શ્રેયા રાવ સેકન્ડ રનરઅપ રહ્યા.
આ ઈવેન્ટના જજ પેનલમાં બોલીવુડ એક્ટ્રેસ મલાઈકા અરોડા અભિનેતા બોબી દેઓલ કુનાલ કપૂર ક્રિકેટર ઈરફાન પઠાન અને કે.એલ. રાહુલ હતા. આ સિવાય 2017માં મિસ ઈન્ડિયા રહી ચૂકેલી માનુષી છિલ્લર પણ ઉપસ્થિત રહી હતી. માનુષીએ જ અનુકૃતિને મિસ ઈન્ડિયાનો તાજ પહેરાવ્યો હતો.
Tamil Nadu's Anukreethy Vas has been crowned #MissIndia 2018. Haryana's Meenakshi Chaudhary and Andhra Pradesh's Shreya Rao Kamavarapu became the first and second runner-up respectively. pic.twitter.com/QnEMwLse9g
ઉલ્લેખનીય છે કે મુંબઈમાં વરલી વિસ્તારમાં આવેલા NSE ડોમ ખાતે આવેલ સરદાર વલ્લભભાઈ પટેલ ઈન્ડોર સ્ટેડિયમ ખાતે આયોજિત રંગારંગમાં મુંબઈમાં મિસ ઈન્ડિયા 2018 ગ્રાન્ડ ફિનાલે કાર્યક્રમમાં ગયા વર્ષની મિસ ઈન્ડિયા માનુષી છિલ્લરે અનુકૃતિને વિજેતાનો તાજ પહેરાવીને અનુકૃતિને સન્માની હતી.
મુંબઇના જાણીતી બોલીવૂડ નિર્માતા કરણ જોહર અને અભિનેતા આયુષમાન ખુરાનાએ આ કાર્યક્રમનું આયોજન કર્યું કર્યું હતું. આપને જણાવી દઇએ કે 19 વર્ષીય અનુકૃતિ ચેન્નાઈની લોયોલા કોલેજની વિદ્યાર્થિની છે અને બી.એ. (ફ્રેન્ચ) ભણી રહી છે.તેનું સ્વપ્ન અનુવાદક બનવાનું છે. તથા સુપરમોડેલ બનવાનું પણ તે સ્વપ્ન સેવી રહી છે.