ટી-20 વર્લ્ડ કપમાં ભારત પોતાના અભિયાનની શરૂઆત 24 ઓક્ટોબરથી પાકિસ્તાન સામે શરૂ થતી મેચથી કરશે. આ અગાઉ હાર્દિક પંડ્યાની ફિટનેસને લઇ સવાલ ઉઠી રહ્યાં છે. આ સ્ટાર ઓલરાઉન્ડ ઈન્ડિયન પ્રીમિયર લીગની 14મી સિઝનમાં બોલિંગ પ્રદર્શનથી વંચિત રહ્યાં છે.
24 ઓક્ટોબરથી ટી-20 વર્લ્ડ કપનો પ્રારંભ
હાર્દિક પંડ઼્યાને બદલે આ ખેલાડીઓનો થઈ શકે સમાવેશ
આ રેસમાં શાર્દૂલ ઠાકુર અને દીપક ચાહરનું નામ સૌથી આગળ
હાર્દિકના સ્થાને બીજાને રમાડાય તેવી શક્યતા
આઈસીસીના નિયમો મુજબ, બીસીસીઆઈની પાસે ટીમમાં ફેરફાર કરવા માટે હવે 15 ઓક્ટોબર સુધીનો સમય છે. એવામાં હાર્દિક ઓલરાઉન્ડર તરીકે હજી ફીટ નથી. તો તેના સ્થાને બીજા ખેલાડીને તક આપવામાં આવે તેવી શક્યતા છે. આ રેસમાં શાર્દૂલ ઠાકુર અને દીપક ચાહરનું નામ સૌથી આગળ જણાવવામાં આવી રહ્યું છે. આ બંને ખેલાડીઓની સ્ટેન્ડ બાય રીતે ટી-20 ટીમમાં પસંદગી કરવામાં આવી હતી.
શાર્દૂલે ઓસ્ટ્રેલિયા પ્રવાસ વખતે સારું પ્રદર્શન કર્યુ
શાર્દૂલ ઠાકુરને જ્યારે પણ ભારત માટે રમવાની તક મળી છે ત્યારે તેઓ છવાઈ જાય છે. ચાલુ વર્ષની શરૂઆતમાં શાર્દૂલ ઠાકુર ઓસ્ટ્રેલિયા પ્રવાસ વખતે બોલિંગ અને બેટીંગ કરી મહત્વનું યોગદાન આપી ભારતને જીતાડવામાં મહત્વની ભૂમિકા નિભાવી હતી. જોકે, ઈંગ્લેન્ડ પ્રવાસ વખતે તેમનું ઓલરાઉન્ડર પ્રદર્શન રહ્યુ હતુ.
શાર્દૂલનું પ્રદર્શન
29 વર્ષીય શાર્દૂલે અત્યાર સુધી ચાર ટેસ્ટ, 15 વન-ડે અને 22 ટી-20 આંતરરાષ્ટ્રીય મેચ રમી છે, જેમાં તેમના નામે અનુક્રમે 14,22 અને 31 વિકેટ નોંધાયેલી છે. આંતરરાષ્ટ્રીય વન-ડેમાં શાર્દૂલે 144.59 સ્ટ્રાઈક રેટથી 107 રન બનાવ્યાં છે. જ્યારે ટી-20 આંતરરાષ્ટ્રીય ફોર્મેટમાં 69 રન બનાવતી વખતે તેમનો સ્ટ્રાઈક રેટ 197.14 રહ્યો છે. આઈપીએલ 2021માં શાર્દૂલે અત્યાર સુધી 15 મેચોમાં 18 વિકેટ લીધી છે.
દીપક ચાહરે 20 વિકેટ લીધી
દીપક ચાહરની વાત કરીએ તો તેમણે અત્યાર સુધી ભારત માટે 5 વન-ડે અને 14 ટી-20 મેચમાં ભાગ લીધો છે. આ દરમ્યાન ચાહરે વન-ડેમાં છ અને ટી-20 આંતરરાષ્ટ્રીય મેચમાં 20 વિકેટ લીધી છે. શાર્દૂલની જેમ દીપક ચાહર પણ બેટીંગથી યોગદાન કરવાની ક્ષમતા ધરાવે છે. હાલમાં શ્રીલંકા પ્રવાસ વખતે વન-ડે મેચમાં તેમણે અણનમ 69 રન બનાવી ટીમને જીત અપાવી હતી.