ભારતીય બેટ્સમેન સૂર્યકુમાર યાદવ ICC દ્વારા જાહેર ટી20 આંતરરાષ્ટ્રીય પુરુષ રેન્કિંગમાં બેટ્સમેનની યાદીમાં બીજા સ્થાન પર પહોંચી ગયા છે.
સૂર્યકુમાર યાદવ ICC નાં ટી20 રેન્કિંગમાં બેટ્સમેનોમાં બીજા સ્થાન પર
રોહિત શર્મા 13માં સ્થાન પર સ્થિર
ભુવનેશ્વર કુમારને નુકસાન
ભારતીય બેટ્સમેન સૂર્યકુમાર યાદવ ICC દ્વારા જાહેર ટી20 આંતરરાષ્ટ્રીય પુરુષ રેન્કિંગમાં બેટ્સમેનની યાદીમાં એકવાર ફરી બીજા સ્થાન પર પહોંચી ગયા છે. ઓસ્ટ્રેલીયા સામે ત્રણ મેચની ટી20 સીરીઝની છેલ્લી મેચમાં 36 બોલ પર 69 રન બનાવ્યા બાદ સૂર્યકુમારનાં નામે 801 અંક થઇ ગયા છે. તેમણે પાકિસ્તાનના કેપ્ટન બાબર આઝમને બે રેટિંગથી પછાડીને બીજું સ્થાન મેળવી લીધું છે.
સૂર્યકુમારની કમાલ
સૂર્યકુમારે હૈદરાબાદમાં રમવામાં આવેલી મેચમાં ભારતની જીતમાં મહત્વની ભૂમિકા ભજવી હતી. ભારતે ઓસ્ટ્રેલીયાને સીરીઝમાં 2-1થી હરાવ્યું હતું. તેમણે ઓગસ્ટમાં વેસ્ટ ઇન્ડીઝ સામે સીરીઝમાં પ્રભાવશાળી પ્રદર્શન બાદ સ્થાન મેળવ્યું હતું.
રોહિત શર્મા અને વિરાટ કોહલી
ભારતીય કેપ્ટન રોહિત શર્મા પોતાના સ્થાન પર સ્થિર છે જ્યારે પૂર્વ કેપ્ટન વિરાટ કોહલીએ રેન્કિંગમાં એક સ્થાન સુધાર્યું છે. રોહિત 13માં સ્થાન પર તો કોહલી 15માં સ્થાન પર છે. રોહિતે ઓસ્ટ્રેલીયા સામે સીરીઝમાં ક્રમશઃ 11, 46 અને 17 એન બનાવ્યા, જ્યારે કોહલીએ ક્રમશઃ 2,11 અને 63 રન બનાવ્યા.
ભુવનેશ્વર કુમારને નુકસાન
બોલર્સમાં ભારતીય સ્પિનર અક્ષર પટેલ અને યુઝ્વેન્દ્ર ચહલ તથા ફાસ્ટ બોલર હર્ષલ પટેલ પોતપોતાના રેન્કીંગમાં સુધાર લાવવામાં સફળ રહ્યા. બોલર્સનાં રેન્કિંગમાં ભુવનેશ્વર કુમારે નુકસાન ઉઠાવવું પડ્યું અને તેઓ 10માં સ્થાન પર પહોંચી ગયા.
પાકિસ્તાની ક્રિકેટર મોહમ્મદ રીઝવાન ટોપ પર
પાકિસ્તાનના વિકેટ કીપર બેટ્સમેન મોહમ્મદ રિઝવાને ઈંગ્લેન્ડ સામે ચાલી રહેલી શ્રેણીમાં 861 રેટિંગ પોઈન્ટ્સ સાથે ટોચ પર પોતાનું સ્થાન મજબૂત કર્યું છે.