ઉકેલ / સુરતમાં થાઇ યુવતીની હત્યાનો ભેદ ઉકેલાયો: તકિયાથી મોં દબાવ્યા બાદ પણ સંતોષ ન થતાં..

• 6 સપ્ટેમ્બરે થાઇ યુવતીની હત્યા થઇ હતી
• યુવતી ટુરિસ્ટ વિઝા પર સુરત આવી હતી
• સળગેલી હાતલમાં મૃતદેહ મળી આવ્યો હતો

સુરતમાં થાઇલેન્ડની યુવતીના હત્યાનો ભેદ ઉકેલાઇ ગયો છે. યુવતીની મિત્ર આઇડાએ હત્યા કરી હોવાનો ખુલાસો થયો છે. આ અંગે સુરત પોલીસ કમિશનર અજય તોમરે કહ્યું કે 6 સપ્ટેમ્બરે થાઇ યુવતીની હત્યા થઇ હતી. યુવતી ટુરિસ્ટ વિઝા પર સુરત આવી હતી. સળગેલી હાતલમાં મૃતદેહ મળી આવ્યો હતો.

CCTV ફૂટેજમાં આઇડા જતી જોવા મળી

CCTV ફૂટેજમાં આઇડા જતી જોવા મળી હતી. મોબાઈલ અને ચેન આરોપી પાસેથી મળી આવી છે. રૂમની ચાવી પણ આરોપી પાસેથી મળી આવી છે. હાલ આઇડાની અટકાયત કરવામાં આવી છે. કોરોના ટેસ્ટ બાદ આઇડાની ધરપકડ કરાશે.

આઇડાની જાપાન-મલેશિયામાં ગુનાહિત કૃત્યોમાં સંડોવણી

વિદેશી યુવતી હોવાથી થાઈ એમ્બેસી પણ સંપર્કમાં હતી. બંને યુવતીઓએ હુક્કો અને ડ્રિન્ક પણ કર્યું હતું. વનીડા નશામાં હોવાથી તકીયાથી મોઢું દબાવી હત્યા કરી હતી. વતન પરત જવા રૂપિયા ન હોવાથી રૂપિયાની માંગ કરતી હતી. જોકે રૂપિયા ન મળતા આઇડાએ હત્યાનું કાવતરૂ રચ્યું હતું. અને હત્યા કર્યા બાદ પરત આવી સળગાવી દીધી હતી. આઇડાની જાપાન-મલેશિયામાં ગુનાહિત કૃત્યોમાં સંડોવણી પણ સામે આવી હતી.