દાદાગીરી / સુરતમાં પોલીસ કોન્સ્ટેબલે મહિલા ઉપર હિંસક હૂમલા મામલે નાણામંત્રી સિતારમણે કહ્યુ...

• સુરતમાં પોલીસ કોન્સ્ટેબલની બેંકમાં દાદાગીરીનો મામલો
• પોલીસની દાદાગીરી મામલે નવી વાત આવી સામે
• પોલીસ કર્મચારીનું આ બેંકમાં એકાઉન્ટ જ નથી

સુરતમાં પોલીસ કોન્સ્ટેબલની બેંકમાં દાદાગીરીનો મામલે નાણા મંત્રી નિર્મલા સિતારમણે નોંધ લીધી છે. નિર્મલા સિતારમણે સુરત કલેક્ટર સાથે વાત કરી છે. સુરત કલેક્ટર ધવલ પટેલ સાથે ઘટના મુદ્દે વાત કરી. કલેક્ટરે કાર્યવાહીનું આશ્વાસન આપ્યુ છે. મોડીરાત્રે FIR પણ દાખલ કરવામાં આવી છે. 

Will be closely following this matter. Wish to assure that the safety of all members of staff in banks is of importance for us. Amid challenges, banks are extending all services to our people. Nothing should threaten their safety and dignity. @canarabank @PIB_India @CP_SuratCity

— Nirmala Sitharaman (@nsitharaman) June 24, 2020

સુરતમાં પોલીસ કોન્સ્ટેબલની બેંકમાં દાદાગીરી મામલે નવી વાત સામે આવી છે. પોલીસ કર્મચારીનું આ બેંકમાં એકાઉન્ટ જ નથી. અન્ય મિત્રના એકાઉન્ટ બાબતે બબાલ કરી હતી. પાસબુકની જગ્યાએ સ્ટેટમેન્ટ આપ્યા બાદ પણ દાદાગીરી કરી હતી. અને મહિલા કર્મચારીને ઇજા પહોંચાડી હતી. ઇજાગ્રસ્ત મહિલા કર્મચારી રજા ઉપર ઉતર્યા છે. ઘનશ્યામ દુલા નામના કોન્સ્ટેબલે દાદાગીરી કરી હતી. જેને લઇને બેંક મેનેજર દ્વારા ફરિયાદ નોંધાવવામાં આવી છે. બેંક મેનેજરની ફરિયાદના આધારે પોલીસે તપાસ શરૂ કરી છે

થઈ પોલીસ ફરિયાદ

સુરતમાં પોલીસ કર્મચારીની દાદાગીરી મામલે પોલીસે ફરિયાદ લીધી છે. બેંક મેનેજર દ્વારા ફરિયાદ નોંધાવાઇ છે. બેંક મેનેજરની ફરિયાદના આધારે પોલીસે તપાસ શરૂ કરી છે. બેંકમાં પાસબુકમાં એન્ટ્રી પડાવવા મામલે મહિલા સાથે માથાકૂટ થઇ હતી. અને બેંકમાં મહિલા કર્મચારીને માર માર્યો હતો. મહિલા સાથે હાથાપાઇના CCTV પણ સામે આવ્યા હતા.

સળગતા સવાલ

• પોલીસ કર્મચારી કેમ કરી રહ્યો છે દાદાગીરી?
• બેંક મહિલા કર્મચારીને કેમ માર્યો માર ?
• પોલીસકર્મી વર્દીનો પાવર બતાવી રહ્યો છે?
• એક મહિલા સાથે હાથાપાઇ કેમ કરી?
• આ પોલીસકર્મી સામે કાર્યવાહી ક્યારે કરાશે?
• મહિલા પર હાથ ઉપાડવાની સત્તા કોણે આપી?
• ખાખી પહેરી છે એટલે ગુંડાગીરી કરશો?