સુરતના એરપોર્ટ પરથી વિદેશી ચલણની હેરાફેરી કરતા 2 શખ્સોની ધરપકડ

સુરતના એરપોર્ટ પરથી એર ઈન્ટેલિજન્સ યુનિટે વિદેશી ચલણની હેરાફેરી કરતા 2 શખ્સોને ઝડપી પાડ્યા છે. આ શખ્સો પાસેથી 25 હજાર યુએસ ડોલર અને 3000 દિનાર મળી આવ્યા હતા.



સુરતમાં એરપોર્ટ ઈન્ટેલિજન્સ યુનિટને માહિતી મળી હતી કે, શારજહાંથી આવેલી ફ્લાઈટમાં વિદેશી ચલણની હેરાફેરી કરવામાં આવે છે. ત્યારે એર ઈન્ટેલિજન્સ વિભાગે તપાસ કરતા 2 શખ્સો ઝડપાયા હતા. આ બન્ને શખ્સો કપડાની બેગમાં વિદેશી ચલણ સંતાડીને હેરાફેરી કરતા હતા. એર ઈન્ટેલિજન્સ યુનિટે બે શખ્સોને ઝડપીને કાર્યવાહી હાથધરી છે.



ઉલ્લેખનીય છે કે, તાજેતરમાં જ સુરતના એરપોર્ટને આંતરરાષ્ટ્રીય કક્ષાના એરપોર્ટનો દરજ્જો મળ્યો છે. આમ થવાને કારણે સુરતી લાલાઓ આરામથી વિદેશમાં પોતાના વેપારના વિકાસ અર્થે અવર-જવર કરી શકે છે. ત્યારે તાજેતરમાં એર ઈન્ટેલિજન્સ યુનિટે વિદેશી ચલણની હેરાફેરી કરતા 2 શખ્સોને ઝડપી પાડ્યા હતા. 



એર ઈન્ટેલિજન્સ યુનિટના હાથે ઝડપાયેલ બંન્ને શખ્સોની પ્રાથમિક તપાસ હાથ ધરવામાં આવતા તેમની પાસેથી 25 હજાર યુએસ ડોલર અને 3000 દિનાર મળી આવ્યા હતા. આ શખ્સો કપડાની બેગમાં વિદેશી ચલણ સંતાડીને હેરાફેરી કરતા હોવાનું માલૂમ પડ્યુ હતુ.



આ મામલે સુરત એરપોર્ટના એર ઈન્ટેલિજન્સ યુનિટ તથા સ્થાનિક એરપોર્ટ પોલીસે બંન્નેની અટકાયત કરીને કાયદેસરની કાર્યવાહી હાથ ધરી હતી. જો કે, આ બંન્ને શખ્સો કોના કહેવાથી આ પ્રકારની ગેરકાનૂની હરકત કરી રહ્યા હતા તે અંગે હજી સુધી જાણકારી પ્રાપ્ત થઇ શકી નહોતી.