VTV ન્યૂઝએ MD ડ્રગ્સને લઇને વધુ એક ચોંકાવનારો ખુલાસો કર્યો છે. સુરતના ડુમસ વિસ્તારમાંથી ઝડપાયેલા ડ્રગ્સ કડોદરામાં બનતું હોવાનું સામે આવ્યું છે. MD ડ્રગ્સ કડોદરા વિસ્તારમાં બનતું હોવાની પકડાયેલા આરોપીએ કબૂલાત કરી છે. ડુમસ વિસ્તારમાંથી ડ્રગ્સ સાથે ઝડપાયેલ આરોપી સલમાનને કેટલાક ખુલાસા કર્યા છે.
ડ્રગ્સ મામલે આરોપીની પુછપરછમાં મોટો ખુલાસો આવ્યો સામે
MD ડ્રગ્સ કડોદરા વિસ્તારમાં બનતું હોવાની કરી કબૂલાત
સુરતમાં 1 કરોડ રૂપિયાથી વધુની કિંમતનો ડ્રગ્સનો જથ્થો ઝડપાયો હતો. પ્રતિબંધિત MD ડ્રગ્સ સાથે 5 વ્યકિતઓને પણ ઝડપી લેવાયા હતા. પોલીસે અલગ અલગ જગ્યાએ દરોડા પાડ્યા હતા. જેમાં ડુમસ, સરથાણા, વરાછામાં આ શખ્સો ડ્રગ્સ વેચતા હોવાનું સામે આવ્યું હતું. ડ્રગ્સ વેચવા જતા 3 આરોપીને પોલીસે રંગે હાથ ઝડપી લીધા હતા. આ મુદ્દે ઝડપાયેલા આરોપીઓની સુરત ક્રાઇમ બ્રાન્ચે કડક તપાસ હાથ ધરી હતી. સુરતના ડુમસ વિસ્તારમાંથી ડ્રગ્સ ઝડપાવા મામલે આરોપીની પુછપરછમાં કરતા મોટો ખુલાસો સામે આવ્યો છે.
કડોદરામાં કરોડો રૂપિયાની કિંમતનું MD ડ્રગ્સ બનતુ હતું
એક કારખાનામાંથી MD ડ્રગ્સનું મટીરિયલ ઝડપાતા સમગ્ર પોલ ખુલી છે. કરોડો રૂપિયાની કિંમતનું MD ડ્રગ્સ કડોદરામાં બનતું હતું અને અલગ અલગ જગ્યાએ વહેચાતું હોવાનુ બહાર આવ્યું છે. સુરત ક્રાઇમ બ્રાંચે પૂછપરછમાં આ ખુલાસો કર્યો છે. આરોપીએ MD ડ્રગ્સ કડોદરા વિસ્તારમાં બનતું હોવાની કબૂલાત કરી છે. તપાસ કરતા એક કારખાનામાંથી MD ડ્રગ્સનું મટીરીયલ ઝડપાયુ છે. કડોદરામાં કરોડો રૂપિયાની કિંમતનું MD ડ્રગ્સ બનતુ હતું.
ડુમસથી કરોડ રૂપિયાના ડ્રગ્સ સાથે સલમાન ઝડપાયો હતો
ડુસમ ગામના રોડથી કુવાડા ટી પોઈન્ટ પાસેથી સલમાન ઉર્ફે અમન મોહમ્મદ હનીફ ઝવેરીને ઝડપી પડાયો હતો. જ્યારે આદિલ નામના શખ્સને વોન્ટેડ જાહેર કરવામાં આવ્યો છે. સલમાન પાસેથી પોલીસે 1011.82 ગ્રામ MD ડ્રગ્સ જેની કિંમત અંદાજે 1,01,18,200 ઝડપી પાડ્યો હતો.
ડ્રગ્સના નશામાં સુરત બન્યું 'ઉડતા સુરત'
સુરતમાં નશાખોરો ખૂણે-ખૂણે MD ડ્રગ્સ, ગાંજો, ચરસ લઈ રહ્યા છે. વેસુ, વરાછા, AK રોડ, રાંદેર રોડ, ગોરાટમાં છૂટથી ડ્રગ્સ મળી રહ્યું છે. મગદલ્લા ચોકડીથી સચિન તરફનો રોડ બંધાણીઓની માનીતી જગ્યા છે. તો સુરતમાં ડ્રગ્સ મળતું હોવાની પોલીસ કમિશનરે પણ કબુલાત કરી હતી. મહત્વનું છે કે, એક ગ્રામ MD ડ્રગ્સ 500થી લઇને 5 હજાર સુધીના ભાવે વેચાય છે.
સુરતમાં 1 કરોડથી વધુના પ્રતિબંધિત MD ડ્રગ્સ સાથે 5 ઝડપાયા હતા
સુરત શહેરમાં ડ્રગ્સનો કાળો કારોબાર કરનારા 5 આરોપીઓને પોલીસે અલગ અલગ જગ્યાએ રેડ કરી ઝડપી લીધા હતા. ડુમસ, સરથાણા અને વરાછા વિસ્તારમાંથી ડ્રગ્સ વેચનારને ઝડપી લીધા હતા. ડુમસમાંથી સલમાન ઉર્ફે અમન મોહમ્મદ હનીફ ઝવેરી, વરાછામાંથી વિનય ઉર્ફે બંટી પટેલ અને સરથાણાથી સંકેત અલલાલીયાને ઝડપી લેવાયો હતો.
છેલ્લા થોડા દિવસોથી સુરતમાંથી પ્રતિબંધિત MD(મેફેડ્રોન ડ્રગ્સ)નો જથ્થો ઝડપવામાં પોલીસને સફળતા મળી રહી છે. યુવાનો નશાની લતના શિકાર ન બને તે માટે પોલીસ દ્વારા ચલાવવામાં આવી રહેલી ઝુંબેશમાં ડીસીબીએ ત્રણ જગ્યાએ રેડ કરી હતી. જેમાં ડ્રગ્સ વેચવા જતા અને પોતાની પાસે રાખનાર ત્રણ આરોપીઓને ડ્રગ્સના જથ્થા સાથે ઝડપી લેવામાં આવ્યાં હતા. સાથે જ આરોપીઓને ડ્રગ્સ આપનાર ત્રણને વોન્ટેડ જાહેર કરવામાં આવ્યાં છે.