IPLIN
 
  • Home
  • India
  • Super Cyclone Amphan Ndrf Chief Sn Pradhan Press

આફત / Cyclone Amphan : વાવાઝોડાંએ રૌદ્ર સ્વરૂપ દેખાડવાનું કર્યુ શરૂ, 180થી વધુ સ્પીડથી વધી રહ્યું છે આગળ

Team VTV 06:40 PM, 19 May 20 | Updated: 06:58 PM, 19 May 20
Follow us
Super Cyclone Amphan Ndrf Chief Sn Pradhan Press

સુપર સાયક્લોન અમ્ફાન(super cyclone amphan) ભારતીય તટો પર દસ્તક દેવાની તૈયારીમાં છે. 21 વર્ષ બાદ કોઇ સુપર સાયક્લોન ભારતના તટીય વિસ્તારમાં ટકરાવા જઇ રહ્યું છે. તેને જોતા આર્મી, એરફોર્સની સાથે NDRFને એલર્ટ કરવામાં આવ્યા છે.

  • સુપર સાયક્લોન અમ્ફાન આવતીકાલે પ.બંગાળ તથા ઓડિશાના દરિયાકાંઠે આપશે દસ્તક
  • NDRFની ટીમ સજ્જ
  • વાવાઝોડાના આગમન પહેલા જ વરસાદી પડ્યો 

ત્યારે આજે NDRF ચીફ એસ.એન પ્રધાને પ્રેસ કોન્ફરન્સ દ્વારા જણાવ્યું કે, પ્રથમ વખતે એવું બન્યું છે કે, એકસાથે 2 મહામારીથી દેશ લડી રહ્યો છે. તો પશ્ચિમ બંગાળના મુખ્યમંત્રી મમતા બેનર્જીએ જણાવ્યું હતું કે, રાજ્યમાં 3 લાખ લોકોનો સુરક્ષિત જગ્યાએ પહોંચાડવામાં આવ્યા છે. 

41 ટીમ તૈનાત 

સુપર ચક્રવાત અમ્ફાન વિશે માહિતી આપતાં એસ.એન.પ્રધાને જણાવ્યું કે આ ચક્રવાત અમ્ફાન વાવાઝોડુંએ ફોની વાવાઝોડા જેવું છે. તે આવતી કાલે કોઈપણ સમયે દસ્તક આપી શકે છે. તેમણે કહ્યું કે એનડીઆરએફ સહિતના તમામ વિભાગો સતત નજર રાખે છે. એનડીઆરએફની 15 ટીમોએ ઓરિસ્સામાં કામગીરી શરૂ કરી દીધી છે. પશ્ચિમ બંગાળમાં 19 ટીમો કાર્યરત છે. બંગાળમાં બે ટીમો અનામત રાખવામાં આવી છે. તેમણે કહ્યું કે જો રિઝર્વ ટીમોને જોડીને કહેવામાં આવે તો લગભગ 41 ટીમો તૈનાત કરવામાં આવી છે.

પ્રથમ વખત એકસાથે 2 આપદા

NDRFના વડાએ જણાવ્યું હતું કે, ફોનીથી શીખ લીધી છે અને એવું પ્રથમ વખત બન્યું છે કે, અમે લોકો એકસાથે 2 આપત્તિઓથી ઝઝૂમી રહ્યા છીએ. તેમણે જણાવ્યું કે, આપણે લોકો કોરોના વાયરસની મહામારીથી ઝઝૂમી રહ્યું છે. 

એરલિફ્ટ કરવાની પણ તૈયારીઓ શરૂ 

એસ.એન પ્રધાને જણાવ્યું કે, આ સિવાય જો તોફાન વધુ ખતરનાક સાબિત થાય તો તેના માટે પણ તૈયારીઓ પણ કરી લેવામાં આવી છે. NDRFની કેટલીય ટીમ સ્ટેન્ડબાય રાખવામાં આવી છે. આ ટીમ બનારસ, પુણે, ચેન્નઇ અને પટનામાં છે અને જરૂર પડ્યેથી લોકોને એરલિફ્ટ પણ કરવાની તૈયારીઓ કરવામાં આવી છે. 

પવનની ગતિ 200 થી 240 કિમી / કલાક - હવામાન વિભાગ

હવામાન વિભાગના વડા મૃત્યુંજય મહાપત્રાએ કહ્યું છે કે, અમ્ફાન વાવાઝોડું 1999 પછી બંગાળની ખાડીમાં બીજું સુપર ચક્રવાત છે. તેની પવનની ગતિ પ્રતિ કલાક 200 થી 240 કિલોમીટર છે અને તે ઉત્તર અને ઉત્તર પશ્ચિમ દિશા તરફ આગળ વધી રહી છે. તેમણે કહ્યું કે જ્યાં સુધી પશ્ચિમ બંગાળની વાત છે ત્યાં સુધી ઉત્તર અને દક્ષિણ 24 પરગણા અને પૂર્વ મિદનાપુર જિલ્લા ચક્રવાતની અસરથી પ્રભાવિત થઈ શકે છે.

વાવાઝોડાએ અસર દેખાડવાની કરી શરૂ

વાવાઝોડું ઝડપથી પશ્ચિમ બંગાળ અને ઓડિશા તરફ આગળ વધી રહ્યું છે ત્યારે મંગળવારની મોડી પશ્ચિમ બંગાળમાં ભારે પવન સાથે વરસાદ પડ્યો હતો. આ સાથે દરિયા કાંઠે મોજા પણ ઉછળી રહ્યા હોય તેવા દ્રશ્યો સર્જાયા હતા. 

Super Cyclone Amphan NDRF amphan અમ્ફાન વાવાઝોડું
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ