શાહરૂખ ખાનની દીકરી સુહાના ખાન ભણતર માટે ન્યુયોર્ક પરત ફરી છે. કોરોના મહામારીના કારણે સુહાનાએ મુંબઇમાં પોતાની ફેમિલી સાથે લાંબો સમય પસાર કર્યો. તે ન્યુયોર્ક વિશ્વવિદ્યાલયમાં ભણી રહી છે. સુહાના અવારનવાર ફેન્સ માટે તસવીરો અપલોડ કરતી રહે છે. હાલમાં જ તેણે એક તસવીર સાથે કેપ્શન લખ્યુ છે કે ઇટ વોઝ ક્યુટ.
ટ્રોલ્સથી પરેશાન સુહાના
સુહાના ખાનને લોકો છાશવારે ટ્રોલ કરી દેતા હોય છે. તેની ચામડીના રંગને લઇને લોકો કિંગ ખાનની દીકરીને ટ્રોલ કરતા જોવા મળે છે. થોડા સમય પહેલા જ સુહાનાએ ટ્રોલર્સને જવાબ આપ્યો હતો કે આ મારી ચામડીનો કલર છે અને દરેક ભારતીયની ચામડીનો કલર બ્રાઉન જ હોય છે. આ બાબત પર ગર્વ લેવો જોઇએ, ટ્રોલ નહી. આ પોસ્ટ બાદ ઘણા લોકો સુહાનાના સપોર્ટમાં આવી ગયા હતા.
શનાયા કપૂરે કરી કમેન્ટ
હાલમાં જ સુહાનાએ એક તસવીર શૅર કરી હતી જેમાં તેની બહેન આલિયા છિબા અને મિત્ર શનાયા કપૂરે કમેન્ટ કરી હતી. અન્ય એક યુઝરે લખ્યું હતું કે તમે વધારે ને વધારે સુંદર થતા જાવ છો.
સુહાના અવાર નવાર તેના મિત્રો સાથે તસવીર શૅર કરતી જોવા મળે છે. સુહાનાના મિત્રો ભારતીય ઓછા છે. તે પોતાના સ્ટાયલીશ લૂક અને નિવેદનોને લઇને લાઇમ લાઇટમાં રહે છે. સોશ્યલ મિડીયા પર સુહાનાના લગભગ ડોઢ મિલીયન ફોલોઅર્સ છે.
બોલિવૂડમાં કરશે ડેબ્યુ
સુહાના પોતાની સ્ટડી પૂરી કર્યા બાદ ફિલ્મ ઇન્ડસ્ટ્રીમાં ડેબ્યુ કરશે. એક ઇન્ટરવ્યૂમાં શાહરૂખ ખાને કહ્યું હતું કે સુહાનાએ બોલિવૂડમાં ડેબ્યુ કરતા પહેલા 3થી 4 વર્ષ એક્ટિંગ શીખવી પડશે. બોલિવૂડમાં કેટલાક એવા લોકો પણ છે કે જેમને લાગે છે કે બાળપણથી જ બાળકોએ અભિનય કરવાની શરૂઆત કરી દેવી જોઇએ પરંતુ તે વાતમાં દમ નથી. હું માનું છુ કે બાળકોએ એક્ટિંગ શીખવી જોઇએ.
અગાઉ ઘણી વખત ટ્રોલ થઈ ચુકી છે
શાહરૂખની લાડકી દીકરી સુહાના સોશ્યલ મીડિયામાં ઘણી વખત ટ્રોલ થઈ ચુકી છે. જેથી તે હવે મીડિયા સામે તો વધારે નથી આવતી પરંતુ તેમની દરેક ખબર મીડિયા પાસે પહોંચી જાય છે. અને તેમણે હાલ ઈંસ્ટાગ્રામમાં કોમેન્ટ સેક્શન બંધ કરી દીધો છે. કદાચ તેમને ટ્રોલિંગનો હવે સામનો નહિ કરવો પડે.
સુહાના ખાન હોટ અવાતારમાં
સુહાનાએ બંને ભાઈ સાથે પહેલા આ ફોટો શેર કર્યો હતો ત્યારબાદ સુહાના ઈંસ્ટાગ્રામ પર દેખાઈ ન હતી જો કે ગઈકાલે આટલાં સમયબાદ પ્રથમ પોસ્ટ શેર કરી લોકોના દિલ જીતી લીધા છે.