ટેકનિકલ શિક્ષણ / GTUના આ 'આઇડિયા'થી વિદ્યાથીઓનું મગજ નહીં ચડે ચકરાવે, ગુજરાતની દરેક ટેકનિક્લ કોલેજોમાં હવે આ ખાસ લેબ શરૂ

• નવી એજ્યુકેશન પોલિસી માટે નવું આયોજન 
• ટેકનિક્લ કોલેજોમાં કાર્યન્વિત થશે આઇડિયા લેબ
• કાઉન્સિલ દ્વારા 1 કરોડ 10 લાખની અપાશે ગ્રાન્ટ

AICTE દ્વારા ન્યુ એજ્યુકેશન પોલિસી અંતર્ગત દરેક ટેકનિક્લ કોલેજોમાં આઇડિયા લેબ સ્થાપવા માટે તાકીદ કરવામાં આવી છે. કાઉન્સિલની આ સૂચનાને લઇને ગુજરાત ટેકનોલોજીક્લ યુનિવર્સિટીએ પણ દરેક સંલગ્ન કોલેજોને આ લેબ શરૂ કરવા સૂચના આપી દીધી છે. જે કોલેજોઆ લેબ શરૂ કરશે તેને કાઉન્સિલ દ્વારા 1 કરોડ 10 લાખ રૂપિયા જેટલી ગ્રાન્ટ પણ આપવામા આવશે. કાઉન્સિલ દ્વારા આઇડિયા ડેવલપમેન્ટ, ઇવેલ્યુશન એન્ડ એપ્લીસેશન એટલે કે આઇડીયા લેબ દરેક ટેકનિકલ કોલેજમાં શરૂ થાય તે માટેનો પ્રોજેક્ટશરૂ કરવામાં આવ્યો છે. આ લેબમાં સાયન્સ, ટેક્નોલોજી ઇજનેરી અને મેથેમેટીક્સને લગતાં વિષયો, પ્રોડક્ટ વિઝ્યુલાઇઝેશન સહિતની કામગીરી કરવામાં આવશે.

પ્રોબ્લેમ સોલ્યુશન માટે પ્રોજેક્ટ 

ઇજનેરીનો અભ્યાસ કરતાં વિદ્યાર્થીઓ 21મી સદીને અનુરૂપ નવો અભ્યાસક્રમ શીખી શકે અને વધુમાં વધુ પ્રેક્ટિકલ કરવાની તક મળે, પ્રોબ્લેમ સોલ્યુશન મળે તે માટે આ પ્રોજેક્ટ શરૂ કરવામાં આવી રહ્યો છે...જે કોલેજ આ પ્રકારની લેબ તૈયાર કરવા ઇચ્છતી હોય તેનો ઓછામાં ઓછો એક કોર્સ નેશનલ બોર્ડ ઓફ એક્રેડીટેશનની મંજૂરી ધરાવતો હોવો જોઇએ. આ ઉપરાંત લેબ શરૂ કરવા માટે 3 હજાર સ્કે.ફૂટની જગ્યા હોવી જરૂરી છે. કાઉન્સિલ દ્વારા દરેક લેબ પ્રમાણે 1.10 કરોડ રૂપિયા અનુદાન આપવામાં આવશે. જે પૈકી 50 ટકા રકમ જે તે કોલેજોએ ખર્ચવાની રહેશે.