- હિજાબ બાદ હવે સિંદૂર પર બબાલ
- છાત્રાને કોલેજના ગેટ પર જ રોકવામાં આવી
- સિંદૂર સમસ્યા પેદા કરી શકે છે
કર્ણાટકની ઘટના
કર્ણાટકના વિજયપુરા શહેરમાં શુક્રવારે માથા પર સિંદૂર લગાવીને એક છાત્રાને કોલેજ પરિસરમાં પ્રવેશ કરવાથી અટકાવવામાં આવી તથા સાથે જ તેને સિંદૂર હટાવવાનું કહેવામાં આવ્યું.
છાત્રાને ગેટ પર જ રોકવામાં આવી
કોલેજના અધ્યાપકોએ તેને ગેટ પર જ રોકીને કોલેજમાં પ્રવેશ કરતા પહેલા સિંદૂર હટાવવા કહ્યું. છાત્રાને કહેવામાં આવ્યું કે માથા પર પ્રથાગત સિંદૂર લગાવીને કોલેજ આવવું હિજાબ તથા ભગવા શાલની જેમ સમસ્યા પેદા કરી શકે છે.
રાજ્યમાં હિજાબ વિવાદને ધ્યાનમાં રાખતા કર્ણાટક ઉચ્ચ ન્યાયાલયના અંતરિમ આદેશ તથા રાજ્ય સરકારના આદેશ અનુસાર, હિજાબ તથા ભગવા શાલના ઉપયોગને પ્રતિબંધિત કરાયો છે. જોકે, આ આદેશોમાં સિંદૂરની મનાઈ નથી.
ઉચ્ચ ન્યાયાલયમાં રાજ્ય સરકારના આદેશને ચુનોતી દેવાવાળી મુસ્લિમ છાત્રાઓના વકીલોએ સુનાવણી દરમિયાન તર્ક આપ્યું હતું કે હિજાબ પહેરવો એક ધાર્મિક પ્રથા છે, જેમ કે માથા પર સિંદૂર લગાવવું, બંગડી પહેરવી. સિખો દ્વારા પાઘડી તથા રુદ્રાક્ષ પહેરવું વગેરે ધાર્મિક પ્રથાનો જ હિસ્સો છે.
ઉલ્લેખનીય છે કે કર્ણાટકની એક સ્કૂલ દ્વારા મુસ્લિમ યુવતીઓને હિજાબ પહેરવાની ના પાડવામાં આવી હતી. જેનો તેમણે વિરોધ કર્યો સાથેજ તેમણે આ મુદ્દે ધાર્મિક સ્વતંત્રતાની વાત કરી હતી. પરંતુ હિજાબના વિરોધમાં અમુક લોકોએ ભગવા અને શોલ પહેરવાનું શરૂ કર્યું જેના કારણે વિવાદ વધુ વકર્યો અને મામલો હાઈકોર્ટ સુધી પહોચ્યો હતો.
અંતિમ નિર્ણય ન આવે ત્યાં સુધી ધાર્મિક વસ્ત્રો પર પ્રતિબંધ
કર્ણાટકમાં હિજાબ વિવાદને લઈને હાઈકોર્ટમાં સુનાવણી યથાવત રાખવામાં આવી છે. અંતિમ નિર્ણય ન આવે ત્યા સુધી હિજાબ અને ભગવા તેમજ ધાર્મિક વસ્ત્રો પહેરવા પર પ્રતિબંધ લગાવામાં આવ્યો છે. તેમ છતા ઘણી બધી જગ્યાએ રાજ્યમાં હિજાબના સમર્થનમાં ધરણા પ્રદર્શન જેવી ઘટનાઓ સામે આવી રહી છે.
