રિપોર્ટમાં દાવો / પરિણિતી-રાઘવે લગ્નનું સ્થળ નક્કી કર્યું, આ જગ્યાએ જઈને લેશે સાત ફેરા, એક રાતનું ભાડું 11 લાખ

• પરિણીતી ચોપડા અને રાઘવ ચઢ્ઢાએ નક્કી કર્યું લગ્નસ્થળ
• ઉદયપુરના ઓબેરોય ઉદયવિલાસમાં લેશે સાત ફેરા
• વર્ષના અંત સુધીમાં કરી શકે લગ્ન 

બોલીવુડ એક્ટ્રેસ પરિણિતી ચોપડા અને આમ આદમી પાર્ટીના નેતા રાઘવ ચઢ્ઢાએ તેમના લગ્નનું સ્થળ નક્કી કર્યું છે. પરિણીતી ચોપડા અને રાઘવ ચઢ્ઢાએ પોતાના લગ્ન માટે ઓબેરોય ઉદયવિલાસ હોટલ બુક કરાવી છે જે ઉદયપુરના શાંત પિચોલા તળાવના કિનારે આવેલી છે. રિપોર્ટ મુજબ અહીં પરંપરાગત રિત-રીવાજો પ્રમાણે પરિણિતી-રાઘવ ફેરા ફરશે. બોલિવૂડ સેલિબ્રિટીઝ માટે રાજસ્થાન હંમેશા હોટ વેડિંગ ડેસ્ટિનેશન રહ્યું છે. કેટરિના કૈફ-વિકી કૌશલ, પ્રિયંકા ચોપરા-નિક જોનાસ અને સિદ્ધાર્થ મલ્હોત્રા-કિયારા અડવાણી જેવા ઘણા કપલ્સે રાજસ્થાનના ઘણા વેડિંગ સ્પોટ પર લગ્ન કરી લીધા છે.

ઓબેરોય ઉદયવિલાસની ભવ્યતા 
ઉદયપુરના શાંત પિચોલા તળાવના કિનારે આવેલી ઓબેરોય ઉદયવિલાસ હોટલ અદ્દભુત છે. તે લીલાછમ હરિયાળી, મેવાડ શૈલીના આંગણાઓ, ફુવારાઓ, સ્વિમિંગ પૂલવાળા આલીશાન મહેલથી કમ નથી. ઓબેરોય ઉદયવિલાસની ઓફિશિયલ વેબસાઇટ અનુસાર, તમારે અહીં એક રૂમ માટે 35,000 રૂપિયા ચૂકવવા પડે છે સાથે જ અહીં કોહિનૂર સ્યુટ માટે એક રાતનો ખર્ચ 11 લાખ રૂપિયા છે. 

દિલ્હીમાં થઈ હતી રાઘવ-પરિણીતીની સગાઈ
ઉલ્લેખનીય છે કે થોડા સમય પહેલા રાઘવ અને પરિણીતીએ દિલ્હીના કપૂરથલા હાઉસમાં સગાઈ કરી હતી અને હવે તે રાજસ્થાનમાં ડેસ્ટિનેશન વેડિંગ કરશે.