સ્ટેચ્યુ ઓફ યુનિટી દિવાળી વેકેશનમાં બન્યું હોટફેવરિટ પ્રવાસન સ્થળ લોકોને સતત ધસારો

નર્મદા: નવનિર્મિત પ્રવાસન ધામ સ્ટેટ્યૂ ઓફ યુનિટી વેકેશનમાં પ્રવાસીઓનું હોટ ફેવરિટ બન્યું છે. દિવાળીના મિની વેકેશનમાં કુલ 20 હજારથી વધુ પ્રવાસીઓએ સ્ટેચ્યુની મુલાકાત લઈ આનંદની લાગણી વ્યક્ત કરી છે. ઉલ્લેખનીય છે કે અગાઉ વ્યવસ્થાને કારણે પ્રવાસીઓમાં નારાજગી જોવા મળી હતી. 

જોકે જિલ્લા કલેક્ટરના આદેશ બાદ સુરક્ષા વ્યવસ્થા અને સુવિધામાં વધારો કરાતા પ્રવાસીઓએ તંત્રની કામગીરીને પણ બિરદાવી હતી. જિલ્લા કલેક્ટર અને પોલીસ વિભાગ દ્વારા પ્રવાસીઓને કોઇપણ પ્રકારની અગવડતા ન પડે તે માટે બે જગ્યાઓ પર ટિકિટ બારી રાખવામાં આવી છે. 

જેનો સમય સવારે 9 થી સાંજે 5 વાગ્યા સુધીનો રાખવામાં આવ્યો છે.  સ્ટેચ્યુ ઓફ યુનિટી પર 152 મીટર ની ઉંચાઈ પર થી સરદાર સરોવર નર્મદા ડેમ નો નજારો જોતા પ્રવાસીઓ માં પણ અનેરો ઉત્સાહ જોવા મળી રહ્યો છે  આજે સવાર થીજ મોટી સંખ્યા માં પ્રવાસીઓ ઉમટી પડ્યા છે.