કડક કાર્યવાહી / સરકારે કહ્યું, લેન્ડ ગ્રેબિંગમાં કડક કાર્યવાહી સાથે 345 FIR નોંધી, સામે કોંગ્રેસનો દાવો, એકપણ ચમરબંધી જેલમાં ગયો નથી

• લેન્ડગ્રેબિંગ એક્ટ મામલે એક્શનમાં સરકાર
• કાયદાનું પાલન કરાવવા માટે સ્પેશિય કોર્ટની રચના
• અત્યાર સુધીમાં 345 જેટલા કેસમાં FIR કરાઈ દાખલ

લેન્ડ ગ્રેબિંગ મામલે સરકાર કડક કાર્યવાહી તરફ આગળ વધી રહી છે. અને ભૂ-માફિયાઓની દાદાગીરીને દાબવાની કોશિશમાં વધારો થઈ રહ્યો છે. મહેસૂલ મંત્રી કૌશિક પટેલ દ્વારા લેન્ડ ગ્રેબિંગ એક્ટની કાર્યવાહી અંગે માહિતી આપવામાં આવી હતી. જેમાં જણાવ્યું કે, 345 જેટલી FIR દાખલ કરી દેવાઈ છે. લેન્ડ ગ્રેબરો અને ભૂમાફિયાઓની શાન ઠેકાણે લાવવા આ કાયદા હેઠળ કાર્યવાહી થઈ રહી છે. 

• 345 અરજીઓમાં FIR કરાઈ દાખલ
• 190 જેટલા ગુનામાં ચાર્જશીટ દાખલ કરી કોર્ટ કાર્યવાહી હાથ ધરાઈ
• લેન્ડ ગ્રેબિંગ એક્ટ હેઠળ 6884 હજારથી વધુ અરજીઓમાંથી 4489 અરજીની તપાસ પૂર્ણ
• રૂ.730 કરોડની કિંમતની 76 લાખ 60 હજાર ચો.મી જમીન પર લેન્ડ ગ્રેબિંગ પુરવાર
• ભુમાફિયા વિરુદ્ધ ઝડપી કાર્યવાહી કરવાના હેતુથી સ્પેશિયલ કોર્ટની રચના
• દરેક સ્પેશિયલ કોર્ટમાં એક સરકારી વકીલની નિમણૂક
• આક્ષેપોનો ખુલાસો કરવાની જવાબદારી ભૂમાફિયા પર રહેશે
• કોઈપણ લેન્ડ ગ્રેબિંગ અંગે ફરિયાદ I-ORA પોર્ટલ પર કરી શકશે

લેન્ડ ગ્રેબિંગ એક્ટ મુદ્દે કોંગ્રેસ MLA સી.જે ચાવડાનું નિવેદન

લેન્ડ ગ્રેબિંગ એકટમાં સરકારના દાવા સામે કોંગ્રેસના ધારાસભ્ય સી.જે ચાવડાએ નિવેદન આપતા કહ્યું, એક્ટ સારો છે પરંતુ તેને વારંવાર ચેલેન્જ કરાયો છે. એકપણ ચમરબંધી આ એક્ટ હેઠળ જેલમાં ગયો નથી. નાના લોકો અને દલાલો સામે આ કાયદા હેઠળ કાર્યવાહી થઈ છે. મોટા વ્યક્તિઓ સામે અત્યાર સુધી કોઈ કાર્યવાહી ન થઇ નથી. કેટલીક જગ્યાએ ખોટો ઉપયોગ થયો હોવાની પણ ફરિયાદો દાખલ થઈ હોવાનો દાવો કોંગ્રેસી ધારાસભ્યએ કર્યો છે.