રેડ / ગુજરાતમાં 285 કરોડના બોગસ બીલિંગ ઝડપાયા બાદ સુરતમાં સામે આવ્યું મોટું કૌભાંડ, સ્ટેટ GST વિજિલન્સે કર્યો પર્દાફાશ

• સુરતમાં સ્ટેટ GST વિજિલન્સના દરોડા
• 285 કરોડનું બોગસ બીલિંગ કૌભાંડ ઝડપાયું
• ગુજરાતમાં સ્ક્રેપના કુલ 17 વેપારીઓનું કૌભાંડ 

રાજ્યમાં જીએસટી વિભાગે ભંગારના વેપારીઓના 30 જેટલા જગ્યાઓ  પર દરોડા પાડી જીએસટી વિભાગે દરોડા પાડીને 285 કરોડનું બોગસ બિલીંગ ઝડપી પાડ્યું છે .સુરતમાં વધુ એક વખત સ્ટેટ GST વિજીલન્સના દરોડા પડ્યા છે. ગુજરાતમાં 285 કરોડનું બોગસ બીલિંગ ઝડપાયા બાદ સુરતમાં દરોડાની કામગીરી કરવામાં આવી રહી છે. ગુજરાતમા સ્ક્રેપના કુલ 17 વેપારીઓએ બોગસ બીલિંગ કૌભાંડ આચર્યું છે. જેમાં સુરતના 5, ભાવનગરના 3 વેપારી, રાજકોટના 7 અમદાવાદના 1 મોરબીના 1 વેપારી સામે ફરિયાદ દાખલ કરાઇ હતી. બોગસ બિલીંગ માટે માસ્ટર માઈન્ડ જરૂરિયાતમંદ આર્થિક રીતે નબળા લોકોને ટાર્ગેટ કરી રૂપિયાની ઓફર કરીને તેના દસ્તાવેજો પાનકાર્ડ, આધારકાર્ડ, ફોટો, લાઈટબીલ મેળવી બેંક ખાતું ખોલાવી લેતો અને તેના નામે પેઢી ઉભી કરી બોગસ બિલીંગ કરી જીએસટી નંબર મેળવવામાં આવે છે.

અલગ અલગ જિલ્લાના વેપારીઓએ બોગસ બીલિંગ કૌભાંડ આચર્યું છે. 285 કરોડના બોગલ બીલ બનાવીને 58 કરોડની ટેક્સ ક્રેડિટ લીધી હતી. સુરતના વન ટેન સ્ટીલ, અબ્દુલ ટ્રેડર્સ, ફર્સ્ટ ટ્રેડિંગ, વિશાલ ટ્રેડર્સ અને આર એન્ એન્ટરપ્રાઇઝમાં GST દ્વારા દરોડા  પાડવામાં આવ્યા છે