હાલની સ્થિતિને જોતા સીબીઆઈ દ્વારા સુશાંત સિંહ રાજપૂત કેસમાં તપાસ ઝડપી બનાવાઈ છે. જેમાં ગઈ કાલે સીબીઆઈએ રજત મેવાતીની પુછપરછ કરી હતી. જાન્યુઆરી 2020 સુધી રજત સુશાંતના ઘણા નજીક રહ્યા અને તેમના અકાઉન્ટનું તમામ કામ સંભાળ્યું હતુ.
રજત સુશાંતના ઘણા નજીક રહ્યા
રજતે સુશાંતનું અકાઉન્ટનું તમામ કામ સંભાળ્યું હતુ
અચાનક એક દિવસ રજત મેવાતીને નોકરીમાંથી કાઢી મુકવામાં આવ્યો
થોડાક સમય પહેલા રજત અને સુશાંતના સંબંધોમાં પરિવર્તન આવ્યું. આ ત્યારે બન્યું જ્યારે રિયાએ સુશાંતના જીવનમાં અન્ટ્રી કરી હતી. રિયાની અન્ટ્રી થતા અચાનક એક દિવસ રજત મેવાતીને નોકરીમાંથી કાઢી મુકવામાં આવ્યો. સીબીઆઈ આ સમગ્ર ઘટનાક્રમને જાણવા માંગે છે. જેથી ઘટનાઓની કડીને જોડી શકાય છે. સીબીઆઈએ રજત મેવાતી સાથે સુશાંતની નાણાકીય લેવડ દેવડને લઈને વાતચીત કરી છે.
ઉલ્લેખનીય છે કે એવો રિપોર્ટ સામે આવ્યો હતો કે સુશાંતના ખાતામાં જમા થયેલા તમામ પૈસા ગાયબ હતા અથવા અલગ અલગ લોકોના અકાઉન્ટમાં ટ્રાન્સફર કરવામાં આવ્યા હતા. સીબીઆઈએ મની ટ્રેલની તપાસ કરી રહી છે. સુશાંતની પિતા કે કે સિંહે પોતાની એફઆઈઆરમાં સુશાંતના ખાતામાંથી પૈસા ટ્રાન્સફર થયા હોવાનો આરોપ લગાવ્યો હતો અને આરોપને સીધી રીતે રિયા પર લગાવવામાં આવ્યો હતો.
પૂર્વ અકાઉન્ટેન્ટ રજત મેવાતીએ દાવો કર્યો છે કે રિયાના આવતા પહેલા ઘણી બાબતો સ્પષ્ટ હતી. ત્યારે સુશાંત માટે તેની ટીમ ફેમિલી જેવી હતી. પરંતુ રિયાની એન્ટ્રી બાદ બાબતો બદલાઈ ગઈ. એક દિવસ તેમને કહેવામાં આવ્યું કે તેમને નોકરીમાંથી કાઢી મુકવામાં આવ્યા છે.
રજત મેવાતી સાથે જોડાયેલા જૂના વીડિયો થોડાક દિવસ પહેલા સામે આવ્યા હતા. વીડિયોમાં સુશાંતની બહેન પ્રિયંકા સિંહ નજરે પડે છે. સાથે બનેવી સિદ્ધાંત તંવર છે. વીડિયોમાં જોવા મળે છે કે તેમની બહેન અને બનેવી મેવાતી સાથે સવાલ -જવાબ કરી રહ્યા છે તેને પૈસાને ટ્રાન્સફર કરવાને લઈને પુછપરછ કરી રહ્યા છે.