વલસાડ પંથકમાં રેલવે પોલીસ કર્મચારી આશિષ ગરાસિયા દારૂની ખેપ મારતા ઝડપાયો હતો.જે ટ્રેનમાં હેરાફેરી માટે દારૂ નો જથ્થો લાવી આપતો. પારડી પોલીસે 3.33 લાખનાં મુદ્દામાલ સાથે ઝડપ્યો
છાંટા પાણીની વ્યવસ્થા ટ્રેનમાં કરીએ આપતો
વલસાડના પારડીમાં રેલ્વે પોલીસ કર્મી ઝડપાયો
દમણથી ઉદવાડા સુધી કારમાં લાવતો હતો દારુ
સુરતથી છેક મુંબઈ સુધી ગેરકાયદેસર શરાબની હેરફેર અને મહેફિલોનો ખાનગી દોર કોઈ અજાણી વાત નથી. સુરતના લગભગ વિસ્તારથી માંડીને દમનથી લવાતા ગેરકાયદે દારૂની કેટલીય ખેપ કાર-ટ્રક કે ટેમ્પોમાં ઝડપાઈ ચુકી છે. આમ છતાં ગેરકાયદે દારૂનું વેચાણ અટકતું નથી પરંતુ તેનો વ્યાપ વધતો જાય છે. વલસાડ, નવસારી, બીલીમોરામાં કહેવાય છે કે, ગમે ત્યાંથી દારુ મળી શકે છે. પણ ટ્રેનમાં મુસાફરી કરતા પ્યાસીઓનું 'ગળું'સુકાય તો શું કરવું ? વલસાડ રેલવેના એક કોન્સ.ને વિચાર આવ્યો કે જ્યારે ખાખી પહેરી જ છે તો ડર વળી કોનો ? તેણે નવો ધંધો શરુ કર્યો. પોતાની કારમાં ગેરકાયદેસર રીતે દારૂની હેરફેર. અને પહોચાડવાનો રેલ્વે સ્ટેશન પર. પછી કેટલાક માણસો ટ્રેનમાં જ દારૂની હેરફેર કરી તગડી કમાણી કરતા. જેમાં કહેવાય છે કે, રેલવે પોલીસ કર્મચારી આશિષ ગરાસિયાનો મોટો ભાગ રહેતો હતો.
વલસાડ પંથકમાં રેલવે પોલીસ કર્મચારી આશિષ ગરાસિયા દારૂની ખેપ મારતા ઝડપાયો હતો.જે ટ્રેનમાં હેરાફેરી માટે દારૂ નો જથ્થો લાવી આપતો હતો. વલસાડ જીલ્લાના પારડી પોલીસે આ રેલ્વે પોલીસ કર્મચારીને 3.33 લાખનો મુદ્દામાલ સાથે ઝડપી પાડ્યો છે. આ રેલ પોલીસકર્મી દમણ થી ઉદવાડા પોતાની કારમાં દારૂ ની હેરાફેરી કરતો હતો.
મુબઈ તરફ જતી કે મુંબઈથી આવતી લોકલ ટાઈપની ટ્રેન નાણા સ્ટોપેજ પર ઉભી રહે અને તેમાં મુસાફરી કરતા પ્યાસીઓને સર્લાતાથી માલ મળી રહે તેવું આયોજન બદ્ધ કામ રેલવે પોલીસ કર્મચારી આશિષ ગરાસિયાએ કર્યું હતું. હવે પારડી પોલીસ એ તપાસ કરી રહી છે કે ગેરકાયદે હેરફેર તો આ આશિષ કરતો હતો પરંતુ માલ સપ્લાય કોણે કરતો અને ટ્રેન માં દારુ કોણ વેચતું હતું. આ ઉપરાંત, આ કામમાં કેટલા લોકો આશિષ સાથે કામ કરી રહ્યા છે. તે અંગે પોલીસ તપાસ કરી રહી છે