- ક્રિકેટ વર્લ્ડકપને લઈ કરાઈ વ્યવસ્થા
- દિલ્લી-મુંબઈની 7 ટ્રેનોનું વિશેષ સંચાલન
- એક ટ્રેન બાંદ્રાથી અમદાવાદ વચ્ચે ચાલશે
આવતીકાલે આમદવાદના આંગણે ક્રિકેટનો સૌથી મોટો મુકાબલો યોજાવા જઇ રહ્યો છે. જેને પગલે મુસાફરોનો મોટો ઘસારો છે. ત્યારે ક્રિકેટ વર્લ્ડકપને લઈને દિલ્લી-મુંબઈની 7 ટ્રેનોનું વિશેષ સંચાલન હાથ ધરાયુ છે. મુસાફરોની ભીડને લઈને સુવિધાના ભાગરૂપે એક ટ્રેન બાંદ્રાથી અમદાવાદ વચ્ચે ચાલશે. જ્યારે બે ટ્રેન મુંબઈ સેન્ટ્રલથી અમદાવાદ વચ્ચે ચાલશે. વધુમાં બે ટ્રેન છત્રપતિ શિવાજી ટર્મિનસથી અમદાવાદ વચ્ચે ચાલશે અને બે ટ્રેન નવી દિલ્લીથી સાબરમતી વચ્ચે ચાલશે. ખાસ વાત તો એ છે કે ટ્રેનના ધડાઘડ બુકીંગ પણ થવા લાગ્યા છે.
બાંદ્રા ટર્મિનસ-અમદાવાદ-બાંદ્રા ટર્મિનસ સુપરફાસ્ટ સ્પેશિયલ
ટ્રેન નંબર 09001 બાંદ્રા ટર્મિનસ-અમદાવાદ સ્પેશિયલ બાંદ્રા ટર્મિનસથી આજે શનિવાર (18 નવેમ્બર 2023) ના રોજ રાત્રે 11:45 વાગ્યે ઉપડશે અને બીજા દિવસે સાંજે 7 વાગ્યે અમદાવાદથી ઉપડશે. એ જ રીતે ટ્રેન નંબર 09002 અમદાવાદ - બાંદ્રા ટર્મિનસ સ્પેશિયલ, અમદાવાદથી સોમવાર, 20 નવેમ્બર 2023ના રોજ સવારે 4 વાગ્યે ઉપડશે અને તે જ દિવસે સવારે 12.10 વાગ્યે બાંદ્રા ટર્મિનસ પહોંચશે.
મુંબઈ સેન્ટ્રલ-અમદાવાદ-મુંબઈ સેન્ટ્રલ સુપરફાસ્ટ સ્પેશિયલ
ટ્રેન નંબર 09049 મુંબઈ સેન્ટ્રલ - અમદાવાદ સ્પેશિયલ મુંબઈ સેન્ટ્રલ આજે શનિવારે (18 નવેમ્બર 2023) રોજ 11-55 કલાકે ઉપડશે અને 08.45 કલાકમાં તે અમદાવાદ પહોંચાડી દેશે. જ્યારે ટ્રેન નંબર 09050 અમદાવાદ-મુંબઈ સેન્ટ્રલ સ્પેશિયલ, સોમવાર, 20 નવેમ્બર, 2023ના રોજ સવારે 06.20 વાગ્યે અમદાવાદથી ઉપડશે અને તે જ દિવસે બપોરે 2-10 વાગ્યે મુંબઈ સેન્ટ્રલ પહોંચશે. આ ટ્રેન બોરીવલી, વાપી, વલસાડ થઈને દોડશે. બંને દિશામાં તે સુરત, ભરૂચ અને વડોદરા જંકશન પર રોકાશે.
શિવાજી મહારાજ ટર્મિનસ-અમદાવાદ સુપરફાસ્ટ સ્પેશિયલ
ટ્રેન નંબર 01153 છત્રપતિ શિવાજી મહારાજ ટર્મિનસ– અમદાવાદ સ્પેશિયલ છત્રપતિ શિવાજી મહારાજ ટર્મિનસ થી શનિવારે 18મીએ ઉપડશે. જે સવારે 10-30 વાગ્યે અને બીજા દિવસે સવારે 06.40 વાગ્યે અમદાવાદ પહોંચશે. ટ્રેન નંબર 01154 અમદાવાદ - છત્રપતિ શિવાજી મહારાજ ટર્મિનસ સ્પેશિયલ સોમવાર, 20 નવેમ્બર 2023ના રોજ 01.45 કલાકે અમદાવાદથી ઉપડશે 10.35 કલાકે છત્રપતિ શિવાજી મહારાજ ટર્મિનસ પહોંચશે.
આ દિવસથી બુકિંગ શરૂ થશે
નોંધનિય છે કે ટ્રેન નંબર 09001,09002,09049,09050 અને 01154 માટે બુકિંગ આજે 18 નવેમ્બર, 2023 થી તમામ PRS કાઉન્ટર્સ પર અને IRCTC વેબસાઇટ પર ખુલ્લી છે.
