યૂટિલિટી / આવતીકાલથી મળશે સસ્તુ સોનું ખરીદવાનો અવસર, જાણો ક્યાંથી અને કેવી રીતે કરી શકાશે ખરીદી

• આવતીકાલથી મળશે સસ્તુ સોનું ખરીદવાનો અવસર
• જાણો ક્યાંથી અને કેવી રીતે કરી શકાશે ખરીદી  
• જાણો શું હશે પ્રતિ ગ્રામના ભાવ

જો તમે સોનામાં રોકાણ કરવાનો પ્લાન કરી રહ્યા છો તો તમારા માટે સારો અવસર આવી રહ્યો છે. 9 ઓગસ્ટ એટલે કે આવતીકાલથી સોવરેન ગોલ્ડ બોન્ડ સ્કીમની પાંચમી સીરીઝની શરૂઆત થઈ રહી છે. આ સ્કીમ 5 દિવસ સુધી ચાલુ રહેશે. એટલે કે તમે 5 દિવસ સુધીમાં બજાર ભાવથી સસ્તા ભાવે સોનું ખરીદી શકો છો.  

ક્યાં સુધી મળશે સસ્તુ સોનું અને શું રહેશે ભાવ
9 ઓગસ્ટથી 13 ઓગસ્ટ સુધી આ સ્કીમ ચાલુ રહેશે. આ સમયે બોન્ડની કિંમત 4790 રૂપિયા પ્રતિ ગ્રામ નક્કી કરવામાં આવી છે.  Sovereign Gold Bond  RBI સરકારની તરફથી જાહેર કરે છે.  

 
ઓનલાઈન ખરીદી પર મળે છે છૂટ
આરબીઆઈના આધારે બોન્ડને માટે તમે ઓનલાઈન અરજી કરી શકો છો. તમે પ્રતિ ગ્રામ 50 રૂપિયાની છૂટ મેળવી શકો છો એટલે કે રોકાણકારને માટે એક ગ્રામ ગોલ્ડ બોન્ડની કિંમત 4740 રૂપિયા રહેશે.

મેચ્યોરિટીની અવધિ આઠ વર્ષની, જાણો કેટલું કરી શકશો રોકાણ

તેને ઇન્વેસ્ટમેન્ટ તરીકે પસંદ કરવામાં આવે છે. તેની મેચ્યોરિટીની અવધિ આઠ વર્ષની હોય છે અને પાંચ વર્ષ પછી તમે આ રોકાણમાંથી બહાર આવી શકો છો. ઓછામાં ઓછા એક ગ્રામ સોનામાં બોન્ડમાં રોકાણ કરી શકાય છે અને સામાન્ય માણસ માટે મહત્તમ રોકાણ મર્યાદા ચાર કિલોગ્રામ છે.

કેવી રીતે કરી શકશો બોન્ડની ખરીદી
આ ખરીદવા માટે તમારે તમારી બેંક, BSE, NSE વેબસાઇટ અથવા પોસ્ટ ઓફિસનો સંપર્ક કરવો પડશે. તેને અહીંથી ડિજિટલી ખરીદી શકાય છે. આ એક પ્રકારનું સુરક્ષિત રોકાણ છે કારણ કે ત્યાં ન તો શુદ્ધતાની ચિંતા છે કે ન સુરક્ષાની સમસ્યા.

નવેમ્બરમાં આ તારીખે ફરી આવશે સ્કીમ
જો તમે આ વખતે સોનાની ખરીદી ચૂકી ગયા છો, તો તમારે નવેમ્બર સુધી રાહ જોવી પડશે. આ યોજના ફરીથી 9 નવેમ્બરથી 13 નવેમ્બર સુધી ખુલશે. નોંધનીય છે કે સરકારની યોજના શરૂ કરવાનો હેતુ આયાત અને ભૌતિક સોનાની માંગ ઘટાડવાનો છે.