- અભિનેતા કબીર દુહાન હવે લગ્નના તાંતણે બંધાયા
- તસવીરો સોશિયલ મીડિયા પર વાયરલ
- લોકોએ તસવીરને આવકારી લગ્નના અભિનંદન પાઠવ્યા
સાઉથ ફિલ્મમાં વિલનનું જોરદાર પાત્ર ભજવી લોકોના દિલમાં રાજ કરનાર અભિનેતા કબીર દુહાન હવે લગ્નના તાંતણે બંધાયા છે. અભિનેતાએ હરિયાણાના એક શિક્ષિકા સાથે લગ્ન કર્યા છે. જેની કેટલીક તસવીરો સોશિયલ મીડિયા પર વાયરલ થઈ છે. જેને લોકો ખૂબ જ આવકારી રહ્યા છે. આપને જણાવી દઈએ કે કબીરની પત્નીનું નામ સીમા છે. જે હરિયાણાના રહેવાસી અને વ્યવસાયે શિક્ષક હોવાનું જાણવા મળે છે.
મંગલ ઘડીએ બનેંના ચહેરા પર અદ્દભુત સ્મિત
કબીર દુહાને પોતાના ઇન્સ્ટાગ્રામ એકાઉન્ટ પર લગ્નની તસવીરો શેર કરી છે. જેમાં તે ક્રીમ કલરની શેરવાની સાથે વરરાજાના કપડા પહેરી જબરદસ્ત લુકમાં નજરે પડી રહ્યો છે. બીજી બાજુ લાલ કલરના કપડામાં દુલહન પણ અલગ જ અંદાજમાં જોવા મળે છે. વાયરલ તસવીરમાં દ્રશ્યમાન થતી વિગત અનુસાર કબીર અને તેની દુલ્હન સ્ટેજ પર સૌપ્રથમ હાર પહેરાવે છે. ત્યારબાદ એકબીજાનો હાથ પકડેલી હાલતમા દેખાઈ રહ્યા છે. જ્યારે અન્ય એક તસવીરમાં કબીર દુલ્હનની માંગમાં સિંદૂર ભરી રહ્યો હોવાનું જાણવા મળે છે. આ મંગલ ઘડીએ બનેંના ચહેરા પર અદ્દભુત સ્મિત રેલાઈ રહ્યું છે.
વીડીયો પણ instagram પર શેર કર્યો
ફોટોસ ઉપરાંત કબીરે લગ્નનો એક સુંદર વીડીયો પણ instagram પર શેર કર્યો છે જેમાં બને મંડપ વચ્ચે બેઠેલા દ્રશ્યમાન થઈ રહ્યા છે. સાથે સાથે અભિનેતાએ લખ્યું કે વેલકમ હોમ મિસિસ કબીર... કબીરના ફેન્સ આ તસવીરને ખૂબ આવકારી રહ્યા છે અને લગ્નના અભિનંદન પાઠવતી કોમેન્ટ્સ પણ આપી રહ્યા છે.
