હવે થોડા દિવસો પછી જરૂરી નહી હોય કે તમારે પૈસા વિડ્રો કરવા માટે ATMમાં તમારું ડેબિટ કાર્ડ લઇને જવુ પડે. તમે ડેબિટ કરાર્ડ વગર પણ તમારા બેંક એકાઉન્ટમાંથી રૂપિયા નીકાળી શકો છે. આ માટે તમારે સ્માર્ટફોનના કેમેરા અને UPI એપની જરૂર પડશે. ATMથી પૈસા નીકળવા માટે યૂનિફાઇડ પેમેન્ટ ઇન્ટરફેસ એટલે કે UPIનો ઉપયોગ કરવામાં આવશે.
ATMમાંથી પૈસા નીકળવા માટે તમારે ATM મશીન પર દેખાઇ રહેલા QR કોડને સ્કેન કરવાનો રહેશે. એક રિપોર્ટ અનુસાર બેંકોઓ ATMની સર્વિસ ઉપલબ્ધ કરાવનારી કંપની AGS ટ્રાન્જેક્ટ ટેક્નોલોજીને આ ટેક્નિક વિકસિત કરી છે જેની મદદથી ગ્રાહક UPI પ્લેટફોર્મનો ઉપયોગ કરતા પૈસા વિડ્રો કરી શકો છો. QR કોડ કોઇ પણ UPI એપથી સ્કેન કરો જેમ તમે કોઇ પણ સામાન ખરીદવા પર પેમેન્ટ કરો છો તેમ ATMમાં QR કોડ સ્કેન કરશો તો તમને પૈસા મળશે.
તમારા વોલેટમાં જેટલા રૂપિયા પડ્યા હશે તે બેંકમાં ટ્રાન્સફર થશે અને તેને તમે કેશ તરીકે વિડ્રો કરી શકો તે આ ટેક્નોલોજી મુખ્ય આઇડિયા છે. કંપનીના જણાવ્યા અનુસાર તેની ટ્રાયલ લેવાઇ ચૂકી છે અને જે બેંકોના આ મામલે કંપની સાથે સંપર્કમાં છે તે આ ટેક્નોલોજીને લાગૂ કરવા માટે ઉત્સાહી છે.
હાલ આ સર્વિસને નેશનલ પેમેન્ટ્સ કોર્પોરેશન ઓફ ઈન્ડિયાનું અપ્રુવલ મળવાનું બાકી છે. NPCI ATM નેટવર્ક તેમજ UPI પ્લેટફોર્મને કંટ્રોલ કરે છે. જેના કારણે આ સિસ્ટમની સુરક્ષા પણ સુનિશ્ચિત થઇ જશે. બેંકોએ પણ આ સેવા શરૂ કરવા માટે પોતાના ATM અપગ્રેડ કરવા માટે ખાસ ખર્ચો નહી કરવો પડે.