Video / ગામમાં સ્લો ઈન્ટરનેટને કારણે બાળકો નહોતા કરી શકી રહ્યાં અભ્યાસ, તો સોનુએ લગાવડાવી દીધું મોબાઈલ ટાવર

• સોનુ સૂદે દેખાડી દરિયાદિલી
• ગામડાના બાળકોની કરી મદદ
• ગામમાં લગાવડાવી દીધું ઈન્ટરનેટ ટાવર

મોબાઈલ સિગ્નલ માટે ઝાડ પર ચડીને ભણતા હતા બાળકો

હરિયાણાના મોરની ગામના બાળકો સ્લો ઈન્ટરનેટથી પરેશાન હતા અને તેના કારણે તેઓ ઓનલાઈન ક્લાસિસ અટેન્ડ નહોતા કરી શકી રહ્યાં. જેથી સોનુ સૂદે તેના એક મિત્ર કરણ ગિલહોત્રાની મદદથી ગામમાં મોબાઈલ ટાવર લગાવડાવી દીધું, જેથી બાળકો ફાસ્ટ ઈન્ટરનેટ કનેક્ટિવિટી મેળવી શકે. સોનુને આ બાળકોની સમસ્યાની જાણ સોશિયલ મીડિયા પર વાયરલ એક વીડિયો દ્વારા થઈ. વીડિયોમાં એક બાળક મોબાઈલ સિગ્નલ મેળવવા માટે ઝાડની ડાળ પર બેઠો હતો, જેથી બાકીના બાળકોને હોમવર્ક કરાવી શકે. આ પોસ્ટમાં સોનુ અને કરણને ટેગ કરવામાં આવ્યા હતા, જે બાદ આ બાળકોની પરેશાની અંગે જાણ થઈ. 

Help change the world 🌍 @Karan_Gilhotra https://t.co/GrDhd12x1R

— sonu sood (@SonuSood) October 5, 2020

સોનુએ કહ્યું હવે ઝાડ પર બેસવાની જરૂર નહીં પડે

આ અંગે વાત કરતા સોનુએ કહ્યું- બાળકો આપણાં દેશનું ભવિષ્ય છે અને તેમને સારાં ભવિષ્ય માટે તક મળવી જોઈએ. મને લાગે છે કે, આવી સમસ્યાઓ કોઈને પણ તેની ક્ષમતા સુધી પહોંચવામાં બાધારૂપ ન થવી જોઈએ. આ મારા માટે સન્માનની વાત છે કે, મૈં એક અંતરિયાળ ગામમાં બાળકોની ઓનલાઈન ક્લાસિસમાં મદદ માટે ટાવર લગાવવામાં મદદ કરી. હવે બાળકોને ઝાડ પર બેસવાની જરૂર નહીં પડે.

સોનુને મળ્યો સ્પેશિયલ એવોર્ડ

હાલમાં જ સોનુ સૂદને પ્રતિષ્ઠિત એસડીજી સ્પેશિયલ હ્યુમનટેરિયન એવોર્ડથી સન્માનિત કરવામાં આવ્યો છે. યૂનાઈટેડ નેશન્સ ડેવલપમેન્ટ પ્રોગ્રામ દ્વારા આ સન્માન અત્યાર સુધી સોનુ સૂદ સહિત ડેવિડ બેકહમ, એન્જેલિના જોલી, લિયોનાર્ડો ડિકેપ્રિયો, પ્રિયંકા ચોપડા જેવા સેલિબ્રિટીસને મળી ચૂક્યો છે.