VIDEO / આ મારો નહીં, પીએમ મોદીનો દિકરો છે : મોતના મુખમાંથી બચીને આવેલા દિકરાને જોઈ ભાવૂક થયાં પિતા

• રશિયાએ યુક્રેન પર કર્યું છે આક્રમણ
• યુક્રેનમાં ફસાયા હતા હજારો ભારતીય
• ઓપરેશન ગંગા અંતર્ગત પાછા આવ્યા ભારતીય નાગરિક

ઓપરેશન ગંગા અંતર્ગત કેન્દ્ર સરકાર યુક્રેનમાં ફસાયેલા હજારો ભારતીયોને અત્યાર સુધીમાં પાછા લાવી છે. આ અભિયાન અંતર્ગત યુક્રેનના સુમીમાં ફસાયેલા ધ્રુવ ભારત પહોંચ્યો તો, તેના પિતા ખૂબ જ ભાવૂક થઈ ગયા હતા. ધ્રુવના પિતા સંજય પંડિતાએ ભાવૂક થતાં કહ્યું કે, મને વિશ્વાસ નહોતો કે, મારો દિકરો હેમખેમ પાછો ભારત આવશે. હું કહેવા માગુ છું કે, મોદીજીનો દિકરો પાછો આવ્યો છે, મારો દિકરો નહીં. તેમણે ભારત સરકારનો ખૂબ ખૂબ આભાર વ્યક્ત કર્યો હતો.

#WATCH A tearful Sanjay Pandita from Srinagar, Kashmir welcomes his son Dhruv on his return from Sumy, #Ukraine, says, "I want to say that it's Modiji's son who has returned, not my son. We had no hopes given the circumstances in Sumy. I am thankful to GoI for evacuating my son." pic.twitter.com/ygqOVk5PGm

— ANI (@ANI) March 11, 2022

ભાવૂક સંજય પંડિતાએ કહ્યું કે, આ મારો દિકરો નહીં, પણ આ તો મોદીજીનો દિકરો છે, તે પાછો આવ્યો છે. અમે આશા નહોતી કે, તે પાછો ભારત આવશે. હું ભારત સરકારનો ઘન્યવાદ કરવા માગુ છું. કે જેમણે મારો દિકરો મને પાછો અપાવ્યો. ભારત પાછા આવ્યા બાદ સંજયના દિકરા ધ્રુવે કહ્યું કે, જીવતો રહેવુ અઘરુ હતું. ભારત પાછા આવીને રાહત મળી છે. ઓપરેશન ગંગા શરૂ કરવા બદલ ભારત સરકારનો ખૂબ આભાર.

આપને જણાવી દઈએ કે, ઉત્તર પૂર્વી યુક્રેનથી યુદ્ધગ્રસ્ત શહેર સુમીથી 674 લોકોને લઈને ત્રણ ફ્લાઈટ 11 માર્ચે દિલ્હી આવી પહોંચી હતી.