અમદાવાદ / નાનકડાં દિકરાને લઈ પ્રેમિકાને મળવા જતાં પ્રેમી સાથે કંઈક એવું બન્યું કે...

• પ્રેમિકાએ પ્રેમીને ધમકી આપી કે તું મારો નહીં તો કોઈનો નહીં
• પ્રેમીએ કહ્યું હું તો પરણિત છું અને મારી પત્ની રિસામણે છે
• રિસામણેથી આવેલી પત્નીએ કહ્યું હું તો મારા પતિ સાથે જ રહીશ

પ્રેમિકાએ કહ્યું પ્રેમીએ પરણિત હોવાની વાત છુપાવી

અમદાવાદની પૉશ પશ્ચિમ વિસ્તારમાં રહેતી 30 વર્ષીય ડિવોર્સી રિયા અને એક ઓટોમોબાઈલ કંપનીનાં શો-રૂમમાં કામ કરતો 32 વર્ષનો રાહુલ છેલ્લાં ચાર વર્ષથી એક બીજાનાં પ્રેમમાં હતાં. રાહુલ અને રિયા મોટા ભાગે સાથે પણ રહેવાં લાગ્યાં હતાં. રિયાનાં કહેવા પ્રમાણે રાહુલે વાડજ પોલીસ સ્ટેશનમાં તેની સાથે લગ્ન કરી લીધાં હતાં. જો કે 2 દિવસ પહેલાં રિયાને રાહુલ પરણિત હોવાની જાણ થઈ હતી.

પ્રેમીને લગ્નેત્તર સંબંધો ભારે પડ્યાં

રિયાએ તપાસ કરી ત્યારે તેને ખબર પડી કે રાહુલ તો પરણિત છે અને તેને બાળકો પણ છે. છેલ્લાં કેટલાંક વર્ષોથી તેની પત્ની રિસામણે હોવાથી પિયર રહેતી હતી. આ દરમિયાન રાહુલ રિયાની નજીક આવ્યો હતો. આ માટે તેણે મહિલા હેલ્પલાઈન 181ની મદદ માંગી હતી. જેને પગલે મહિલા હેલ્પલાઈનનાં કાઉન્સેલર સોનલબેન ત્યાં પહોંચ્યા હતાં. તેમણે રિયા પાસેથી તમામ હકીકત જાણી હતી. 

પ્રેમીએ કહ્યું પ્રેમિકા મારા પરણિત હોવાની વાત જાણતી હતી

એ બાદ જ્યારે સોનલબેન રિયા સાથે રાહુલને મળવાં ગયાં ત્યારે રાહુલે જણાવ્યું હતું કે, હું પરણિતછું એ વાત રિયાથી ક્યારેય છુપાવી નથી. હું જ્યારે રિયાને મળવા જતો હતો. ત્યારે મારા નાના દિકરાને લઈને જતો હતો. મે રિયા સાથે લગ્ન પણ કર્યા નથી. તેણે કાલે સવારે મારી ઓફિસ આવીને ઝઘડો કર્યો હતો અને મને ધમકી આપી હતી કે તું મારો નહી તો કોઈનો પણ નહીં. 

હું મારી પત્નીને છોડી તેની સાથે લગ્ન ન કરી શકું

રાહુલે સોનલ બેનને એમ પણ જણાવ્યું હતું કે મેં રિયાને એ પણ જણાવ્યું હતું કે મારી પત્ની રિસામણે છે, પણ મેં તેને લગ્ન કરવાનો વાયદો કયારેય નથી કર્યો. હું મારી પત્નીને છોડી તેની સાથે લગ્ન ન કરી શકું. એ વાત મેં તેને જણાવી હતી. આ વાતને લઈને પણ તેણે લગ્ન કરવાની જીદ કરે છે. રાહુલની પત્નીએ પણ કહ્યું હતું કે હું મારા પતિને છુટાછેડા નહી આપું.

અંતે પ્રેમિકાએ પ્રેમી સામે પોલીસ સ્ટેશનમાં અરજી કરી

મહિલા હેલ્પલાઈનનાં સોનલબેને રિયાને સમજાવી કે બહેન તમારી જીદ છોડી દો. પ્રેમીની ઈચ્છા નથી અને તેને પત્ની છે તો તે તમારી સાથે લગ્ન ન કરી શકે. તેમ છતાં તમને એવું લાગતું હોય કે તેણે તમારી સાથે વિશ્વાસઘાત કર્યો છે. તો તમે પોલીસ ફરિયાદ નોંધાવી શકો છો. જેને પગલે મહિલાએ સરખેજ પોલીસ સ્ટેશનમાં અરજી આપી હતી.

(પાત્રોનાં નામ બદલ્યા છે.)
સ્ટોરી : ધર્મિષ્ઠા પટેલ, અમદાવાદ