આપવીતી / VIDEO: મારી દીકરી ભૂખી સૂઈ ગઈ, સવારે 4 વાગ્યે ભોજન મળ્યું: 5-સ્ટાર હૉટલમાં પોપ્યુલર સિંગરને થયો કડવો અનુભવ

• હોટલમાં અંકિત તિવારી સાથે થયો દુર્વ્યવહાર 
• અંકિતે પોસ્ટ કર્યો વીડિયો 
• મારી દીકરી રડતા રડતા સુઈ ગઈ - અંકિત તિવારી 

હોટલમાં અંકિત તિવારી સાથે થયો દુર્વ્યવહાર 

કહેવાય છે કે સેલેબ્સનું જીવન સામાન્ય માણસો કરતા સારું હોય છે. તેમને દરેક આરામ મળે છે અને દરેક વસ્તુ જલ્દી મળે છે. પરંતુ એવું પણ ઘણી વાર જોવા મળે છે કે જ્યારે સેલેબ્સએ મુશ્કેલીઓનો સામનો કરવો પડ્યો હોય અને મોટા રેસ્ટોરન્ટ કે હોટલમાં તેમની સાથે ખરાબ વ્યવહાર થયો હોય. અંકિત તિવારી સાથે દિલ્હીની એક હોટલમાં ખરાબ વ્યવહાર થયો છે. 

અંકિત તિવારીએ ટ્વીટર પર એક વીડિયો પોયાત કર્યો હતો. આ વીડિયોમાં અંકિતે જણાવ્યું હતું કે દિલ્હીની રોયલ પ્લાઝા હોટલમાં સ્ટાફ ક્યા પ્રકારે તેમની સાથે દુર્વ્યવહાર કરી રહ્યો હતો. આ વીડિયોનાં કેપ્શનમાં લખ્યું હતું કે તેમને હોસ્ટેજ જેવું લાગી રહ્યું હતું. આ 5 સ્ટાર હોટલમાં અંકિત અને તેમનાં પરીવારનાં ઓર્ડર આપ્યા છતાં પણ કલાકો સુધી ફૂડ સર્વ કરવામાં આવ્યું ન હતું. આ ઉપરાંત, હોટલનાં સ્ટાફે તેમને ધમકી પણ આપી હતી. 

“HOTEL ROYAL PLAZA, NEW DELHI” Feeling like hostage with family…Pathetic experience.5 star hotel me na pani hai,food order kiye 4 ghante ho chuke hain…Outside food allowed nahi hai so no second option…Kuch bolo to staff bouncers ki dhamki de raha hai. pic.twitter.com/ewsN0HaP1c

— Ankit Tiwari (@officiallyAnkit) April 21, 2022

અંકિત તિવારીએ કહ્યું હતું કે હું એટલો હેરાન હતો કે સવારે 5 વાગ્યે હું સુઈ શક્યો હતો. હું મારા પરિવાર સાથે હરિદ્વારમાં હતો. ત્યાંથી દિલ્હીમાં એક રાત સ્ટે કરીને પછી વૃંદાવન જવાનો પ્લાન હતો. હું દિલ્હીની રોયલ પ્લાઝામાં પત્ની અને દીકરી સાથે રોકાયો હતો. આ હોટલ કનોટ પ્લેસમાં છે. જયારે હું ચેક ઇન કરી રહ્યો હતો, તો તે દરમિયાન, એક બે કપલ રિસેપ્શનમાં ઝઘડી રહ્યા હતા, એટલે મને લાગ્યું કે તેમનો પોતાનો કોઈ ઈશ્યૂ હશે. હું લગભગ સાડા સાત વાગ્યે હોટલ પહોંચ્યો હતો. 

મારી દીકરી રડતા રડતા ભૂખી સુઈ ગઈ હતી 
અંકિત આગળ કહે છે કે મને ચેક ઇન કરવામાં 45 મિનિટ લાગી. પછી રૂમ માટે અમે ગયા. અમે ફૂડ ઓર્ડર કર્યું હતું. ત્રણ કલાક થઇ ગઈ છતાં પણ ફૂડ નહોતું આવ્યું કે ન તો પાણી આવ્યું હતું. મારી દીકરી ત્રણ વર્ષની છે, તેના માટે દૂધ મંગાવ્યું, તે પણ ન પહોંચ્યું. રૂમ સર્વિસમાંથી કોઈ કોલ રીસીવ કરી રહ્યું ન હતું. હું નીચે ગયો, તો ત્યાં સ્ટાફ ખરાબ રીતે વાત કરી રહ્યો હતો. આંગળી બતાવીને અમારું અપમાન કરી રહ્યો હતો. 

અંકિત કહે છે કે બહારથી ફૂડ ઓર્ડર કરવા આપતા ન હતા. હોસ્ટેજ જેવું જ લાગી રહ્યું હતું. તેમના સ્ટાફને બિલકુલ માન નથી. હું વારંવાર બૂમો પાડી રહ્યો છું કે મારી બાળકી ભૂખી સૂઈ રહી છે, તેને ખાવાનું આપો, છતાં કોઈ સાંભળતું નથી. ઉલ્ટું તેમણે જ પોલીસ બોલાવી લીધી. પોલીસ પણ અમને કસ્ટમર્સને જ જેમ ફાવે તેમ બોલી રહી હતી. આખી રાત ભૂખા રહ્યા છીએ અને અમને સવારે 4 વાગ્યે ફૂડ સર્વ કરવામાં આવ્યું હતું. મારી દીકરી રડતા રડતા સુઈ ગઈ હતી. 

સ્ટાફે પોતે જ બોલાવી હતી પોલીસ 
ચેક આઉટ કરવાની વાત પર અંકિત કહે છે કે અમે ત્યાં સુધી પણ કહ્યું કે અમારા પૈસા પાછા આપી દો, અમે નીકળી રહ્યા છીએ. તેમાં પણ ઓફિસર અમારી વાત સાંભળવા તૈયાર ન હતા. ડ્યૂટી મેનેજર માસ્ક લગાવીને હસી રહ્યા હતા અને ડાઈવર્ટ કરી રહ્યા હતા. આટલી મોદી રાત્રે અમે બાળકને લઈને ક્યા જઈએ. મેં આજસુધી ક્યારેય આવા ટ્વીટ નથી કર્યા, પરંતુ તેમની ગેરજવાબદારી એટલી વધી ગઈ હતી કે મારો તે વીડિયો પોસ્ટ કરવો જરૂરી હતો. તેઓ કલાકારો સાથે પણ આવું જ કરી શકે છે, તો તેઓ સામાન્ય માણસ સાથે કેવી રીતે વર્તે છે? મને શરમ આવી કે આ કેવી સેવા છે.બાદમાં અન્ય કેટલાક લોકો સાથે વાત કર્યા બાદ ખબર પડી કે આ મામલો ઘણા દિવસોથી ચાલી રહ્યો છે. ગ્રાહકો પરેશાન થઈ ગયા હતા.