વૈશ્વિક બજારોમાં જોખમની વચ્ચે સતત ત્રીજા દિવસે ભારતીય બજારોમાં સોના અને ચાંદીની કિંમતોમાં ઘટાડો નોંધાઈ રહ્યો છે. એમસીએક્સ પર સોના વાયદા 0.21 ટકા ઘટીને 48, 485 રુપિયા પ્રતિ 10 ગ્રામ થઈ ગયો છે. જ્યારે ચાંદી વાયદા 59, 460 રુપિયા પ્રતિ કિલોગ્રામ પર આવી ગઈ છે. ગત 2દિવસોમાં ભારતમાં સોના અને ચાંદીની કિંમતોમાં ભારે ઘટાડો નોંધાયો છે. ગત સત્રમાં સોના વાયદા 900 રુપિયા નીચે આવ્યો હતો. મંગળવારે તે 750 રુપિયા સસ્તો થયો હતો. ચાંદીની વાત કરીએ તો મંગળવારે ચાંદી 1600 રુપિયા ઘટી હતી અને ગત સત્રમાં તે 800 રુપિયા કિલોગ્રામ સસ્તી થઈ હતી.
વૈશ્વિક બજારોમાં 1809.41 ડૉલર પર ભાવ પહોંચ્યો
ચાંદીમાં તેજી, પ્લેટિનિયમમાં ઘટાડો નોંધાયો છે
કોરોનાની રસીના કારણે બજાર પર સીધી અસર પડી રહી છે
વૈશ્વિક બજારોમાં 1809.41 ડૉલર પર ભાવ પહોંચ્યો
વૈશ્વિક બજારોમાં આજે ડૉલર નબળો પડવાના કારણે સોનાના હાજર 0.1 ટકા વધીને 1809.41 ડૉલર પ્રતિ ઔૈંસ થઈ ગયો છે. જે ગત સત્રમાં 1800.01 ડોલર પર હતો. તે 17 જુલાઈ બાદ નીચલા સ્તર પર આવ્યો હતો. અન્ય મુદ્રાઓની સરખામણીએ ડોલર ઈન્ડેક્સમાં આજે 0.14 ટકાના ઘટાડો આવ્યો છે. જેનાથી બુલિયન અન્ય મુદ્રા ધારકો માટે સસ્તું થયું છે.
ચાંદીમાં તેજી, પ્લેટિનિયમમાં ઘટાડો
અન્ય કિંમતી ઘાતુઓમાં ચાંદી 0.2 ટકા વધીને 23. 29 ડૉલર પ્રતિ ઓંસ થઈ ગઈ છે. જ્યારે પ્લેટિનિયમ 0.2 ટકા ઘટી 959.64 ડોલર થઈ ગયું. મંગળવારે અમેરિકન બજાર ડાઉ જોન્સ ઈન્ડેક્સમાં 1.54 ટકા વધારો થયો અને આ 454.97 અંક ઉપર 30,046.20 પર બંધ થયો હતો. ઈન્ડેક્સ પહેલી વાર આ સ્તર પર બંધ થયો છે. આજે એશિયાઈ બજારોમાં તેજી જોવા મળી રહી છે.
દુનિયાના સૌથી મોટા સ્વર્ણ સમર્થિત એક્સચેન્જ ટ્રેડેડ ફંડ (ETF), એસપીડીઆર ગોલ્ડ ટ્રસ્ટના હોલ્ડિંગ સોમવારે 1213.17 ટનથી મંગળવારે 1.1 ટકા ઘટી 1199.74 ટન રહ્યો છે. કોરોનાની રસીના કારણે બજાર પર સીધી અસર પડી રહી છે.