હાલ સાઈબર ક્રાઈમ કરવા માટે ઠગીઓએ ઘણા નવા રસ્તાઓ શોધી કાઢ્યા છે. સાયબર ક્રાઈમના આવા કેટલાક કિસ્સાઓ પોલીસ સામે આવી રહ્યા છે જેમાં અજાણ્યા કોલ પર ફક્ત હેલો બોલતાની સાથે જ ખાતામાંથી પૈસા ઉપડી ગયા છે.
સાઈબર ક્રાઈમના નવા કિસ્સા
ફ્રોડ આ રીતે ખાતામાંથી ઉપાડી રહ્યા છે પૈસા
અજાણ્યા કોલ પર વાત કરી પડી શકે છે ભારે
આધુનિક યુગમાં પોલીસ માટે સાયબર ક્રાઈમ સૌથી મોટો પડકાર સાબિત થઈ રહ્યો છે. આવી સ્થિતિમાં સાયબર ફ્રોડ દરરોજ છેતરપિંડીની નવી રીતો અપનાવી રહ્યા છે. એટલું જ નહીં સાયબર ક્રાઈમના આવા કેટલાક કિસ્સાઓ પોલીસ સામે આવી રહ્યા છે જે ખૂબ જ આશ્ચર્યજનક છે.
ઘણા કિસ્સાઓમાં OTP ન આપ્યો હોવા છતાં થયા છે ફ્રોડ
ઘણા કિસ્સાઓમાં ભોગ બનનાર વ્યક્તિએ OTP શેર કર્યા વિના અથવા પોતે માહિતી શેર કર્યા વિના પીડિતના ખાતામાંથી રકમ ગાયબ થઈ જાય છે. જેમાં થોડી જ સેકન્ડોમાં ફોન પર વાત કરતાની સાથે જ ખાતામાંથી પૈસા ઉપડી રહ્યા છે. એટલું જ નહીં સાયબર ગુનેગારો ગુડ મોર્નિંગ, ગુડ નાઈટની તસવીરો મોકલીને લોકોને છેતરતા હોય છે.
ગુનેગારોએ અપનાવ્યો નવો રસ્તો
તમે અજાણ્યા મોબાઈલ નંબર પર વાત કરી રહ્યા છો તો તે એક શાતિર સાયબર ગુનેગાર પણ હોઈ શકે છે. જે તમે તમારો ફોન ઉપાડતા જ તમારા એકાઉન્ટ પર તૂટી શકે છે. આવો જ એક કિસ્સો રૂડકીમાંથી સામે આવ્યો છે. માહિતી અનુસાર, સફીપુરના રહેવાસી ઉમેશ મેંડોલાએ ફરિયાદ આપી હતી અને જણાવ્યું હતું કે 14 જુલાઈના રોજ લગભગ 6 વાગે અજાણ્યા નંબર પરથી ફોન આવ્યો હતો. કોલ પર 40 થી 50 સેકન્ડ સુધી વાતચીત થઈ હતી. જે પછી ફોન પર એક મેસેજ આવ્યો હતો.
ખાતામાંથી ઉડી ગયા હજારો રૂપિયા
મેસેજમાં ખાતામાંથી 27 હજાર 1666 રૂપિયા ઉપાડવાની માહિતી મળી હતી. SBIના પોર્ટલ પર ફરિયાદ કરવા પર 1666 રૂપિયા રિફંડ કરવામાં આવ્યા હતા. પરંતુ ખાતામાં 27 હજાર રૂપિયા રિફંડ થઈ શક્યા ન હતા. આ બાબતની જાણ બેંક અને સાયબર સેલને કરવામાં આવી હતી. છેતરપિંડીના કેસમાં પોલીસ દ્વારા ખાતાધારક સામે છેતરપિંડીનો ગુનો નોંધવામાં આવ્યો છે.
ફોન પર હલો કરતાની સાથે જ ઉપડી જાય છે પૈસા
ઈન્સપેક્ટર ઐશ્વર્યા પાલે કહ્યું કે રૂરકી વિસ્તારમાં આવા ઘણા કિસ્સાઓ સામે આવી રહ્યા છે જેમાં ફોન પર વાત કરતાની સાથે જ ખાતામાંથી પૈસા ઉપડી જવાની ફરિયાદો આવી રહી છે. એટલું જ નહીં, આજકાલ ઘણા પીડિતોને ગુડ મોર્નિંગ અને ગુડ નાઈટની તસવીરો સાથે આવી લિંક્સ પણ મળી રહી છે, જેને ક્લિક કરતાની સાથે જ એકાઉન્ટમાંથી પૈસા કપાઈ જવાની ફરિયાદ સામે આવી રહી છે.
વર્ક ફ્રોમ હોમની હા પાડતા થયો ફ્રોડ
બીજો કેસ કાશીપુરથી સામે આવ્યો છે. અહીં એક મહિલાએ સાયબર ક્રાઈમ પોલીસ સ્ટેશનમાં અરજી આપી હતી. તેણે કહ્યું કે બે મહિના પહેલા એક સાયબર ફ્રોડે તેને એક લિંક મોકલી હતી. ઘરેથી કામ કરવાની ઓફર કરી. સાયબર ઠગએ તેને બે મહિના માટે ઓનલાઈન વેબસાઈટ દ્વારા કાર્ય પૂર્ણ કરવા માટે google.pay અને એકાઉન્ટ ટ્રાન્સફર કરવા માટે કહ્યું અને 1.45 લાખ રૂપિયાની છેતરપિંડી કરી હતી. પોલીસે આ મામલે કેસ નોંધ્યો છે.