રાજનીતિ / શિવસેનાનો દાવ ઉંધો પડ્યો, રાજ્યપાલ પાસે જઈને સરકાર બનાવવાનો મોકો ન મળ્યો

• રાજ્યપાલે ન આપ્યો શિવસેનાને સમય
• આદિત્ય ઠાકરેનું નિવેદન- અમારો દાવો ફગાવવામાં આવ્યો નથી 

બેઠક દરમિયાન આદિત્ય ઠાકરેએ રાજ્યપાલને કહ્યું હતું કે અન્ય પક્ષો સાથે વાતચીત ચાલી રહી છે. રાજ્યપાલે શિવસેનાને વધુ 24 કલાક આપવાનો ઇનકાર કરી દીધો છે. આદિત્યએ કહ્યું કે અમારો દાવો નકારવામાં આવ્યો નથી. અમે રાજ્યપાલને કહ્યું કે અમે સરકાર બનાવવા માંગીએ છીએ.

શિવસેનાએ નથી સોંપી સમર્થન ચિઠ્ઠીઃ રાજ્યપાલ

Aaditya Thackeray: Both parties (Congress-NCP) have been speaking to us, MLAs have been speaking to us. As talks are on, as 2nd largest party it was our right to come here. We've expressed our willingness to form govt, we've asked for extension of 48 hrs to fulfill our procedure. pic.twitter.com/v8eQBr1hW2

— ANI (@ANI) November 11, 2019

શિવસેનાએ રાજ્યપાલ સાથે મુલાકાત કરી હતી. જેમાં રાજ્યપાલ પાસે સરકાર બનાવવા માટે સમય માંગ્યો પરંતુ તેમણે સમય આપવાની મનાઇ કરી દીધી હતી. ત્યારે હવે મહારાષ્ટ્રના રાજ્યપાલ ભગતસિંહ કોશ્યારીએ મહત્વનું નિવેદન આપ્યું છે. જેમાં તેમણે જણાવ્યું છે કે, સમર્થન ચિઠ્ઠી આપવાનો 3 દિવસનો સમય હતો, પરંતુ શિવસેનાએ હજુ સુધી સમર્થન ચિઠ્ઠી નથી સોંપી. 

રાજ્યપાલે ન આપ્યો શિવસેનાને સમય

રાજ્યપાલ સાથે મુલાકાત બાદ શિવસેના નેતા ઉદ્ધવ ઠાકરેએ કહ્યું કે અમે રાજ્યપાલને કહ્યું કે શિવસેના સરકાર બનાવવા માટે તૈયાર છે. તેમણે કહ્યું કે, અમે રાજ્યપાલ પાસે 2 દિવસનો સમય માંગ્યો હતો પરંતુ તેમણે ઇન્કાર કરી દીધો છે. ઠાકરેએ કહ્યું કે બીજા પક્ષો સાથે શિવસેનાની વાતચીત ચાલી રહી છે, પરંતુ તેમનો પત્ર મેળવવામાં સમય લાગી રહ્યો છે, તેવામાં અમને સમય આપવામાં આવે, જોકે રાજ્યપાલે શિવસેનાને સમય આપવાનો ઇન્કાર કરી દીધો છે. જોકે હજુ સુધી રાજ્યપાલે શિવસેનાને દાવાને નામંજૂર નથી કર્યો.

Aaditya Thackeray, Shiv Sena: We told the Guv that we're willing to form the govt. We asked him for at least 2 days time but we weren't given time. The claim (to form govt) wasn't denied but the time was. We'll continue to put in efforts to form govt in the state. #Maharashtra pic.twitter.com/BwqSgddKL4

— ANI (@ANI) November 11, 2019

કોંગ્રેસે લેટરહેડ જાહેર કરીને કર્યો ખુલાસો

કોંગ્રેસે કહ્યું કે, શિવસેનાને સમર્થન પત્ર હજુ સુધી આપ્યો નથી. NCP સાથે ચર્ચા બાદ આખરી નિર્ણય લેવાશે. NCP પ્રમુખ શરદ પવાર સાથે ફરી ચર્ચા કરીશું. શિવસેનાને સમર્થન પર મલ્લિકાર્જૂન ખડગેએ કહ્યું કે, સોનિયા ગાંધી અને શરદ પવાર વચ્ચે ચર્ચા થઇ છે. પક્ષના નિવેદને તમામ મામલે સ્પષ્ટતા કરી છે. કોંગ્રેસે પોતાનું નિવેદન જાહેર કર્યુ છે. અમે વધુ એક વખત શરદ પવાર સાથે ચર્ચા કરીશું.